Ешкімге айтуға болмайтын 6 құпия

Адам баласы бұл өмірде жетістікке жету үшін кейбір ақпаратты жасырын ұстағаны дұрыс. Жалпы, құпия деген не? Қандай құпияны ашуға болады, ал қай мәліметтер жайында тіс жармаған дұрыс? Сонымен айтуға болмайтын 6 құпияны назарларыңызға ұсынамыз: Бірінші құпия: болашаққа құрған жоспар Жоспар орындалмайынша, ол туралы адамдарға айтпаған дұрыс. Кез келген ой бастапқыда әлжуаз болып тұрады. Екінші құпия: қайырымды істер Қайырымды – сирек кездесетін іс. Жақсылық жасағаныңыз үшін мақтану әдептілікке жатпайды. Мақтану – тәкәппарлықтың бір көрінісі. Үшінші құпия: тақуалық Ұйқы, күлкі, тамақ туралы шектеулеріңізді ешкімнің білмегені жөн. Тәннің шектеуі көңілдің тақуалығымен үйлессе ғана пайдалы. Төртінші құпия: жасаған ерлік Жасаған ерлік туралы айтудың қажеті жоқ. «Жақсылар жақсымын деп айта алмайды, жамандар жақсымын деп айқайлайды» дегенді естен шығармағаныңыз абзал. Бесінші құпия: рухани байлық Рухани байлық тек сізге қатысты. Жұртшылыққа жайып абырой жинай алмайсыз. Алтыншы құпия: үйдегі ұрыс-керіс пен отбасылық өмір Отбасындағы ұрыс-керіс туралы аз айтсаңыз, ынтымағы берік болады.  

Серіктес жаңалықтары