50304
30 мыңнан астам бала «AMANAT» партиясынан жаңа оқу жылына қажет жиынтық алады
30 мыңнан астам бала «AMANAT» партиясынан жаңа оқу жылына қажет жиынтық алады
«AMANAT» партиясы жаңа оқу жылы қарсаңында «Баланы мектепке даярлайық!» жалпыреспубликалық қайырымдылық акциясының басталғаны туралы хабарлады.
«Баланы мектепке даярлайық!» акциясы партиялық «Бақытты отбасы» жобасы аясында дәстүрлі түрде өткізіледі. Науқанның басты мақсаты – көпбалалы және аз қамтылған отбасыларға балаларын 1 қыркүйекке дейін мектепке дайындауға көмектесу.
Акцияға партияның Орталық аппараты мен аймақтық филиалдарының қызметкерлері, партия депутаттары, бастауыш партия ұйымдарының мүшелері және қарапайым азаматтар қатысады. Ел аумағындағы 30 мыңнан астам бала аманаттықтардан жаңа оқу жылына арналған жиынтықтар алады деп жоспарланып отыр. Яғни, оларға мектеп формасы, оқулықтар мен кеңсе тауарлары салынған рюкзактар ұсынылады.
Мәселен, бүгін Павлодарда партиялықтар алты баланы жалғыз өзі тәрбиелеп отырған Валентина Григорьеваның шаңырағына барды.
«Балалар тез өседі ғой. Жыл өткен сайын оларды жаңа оқу жылына дайындау қиынға соғып барады. Өткен аптада партия көмегіне жүгінген болатынмын. Бүгін қажет заттың бәрін алып келді», – деді көпбалалы ана Валентина Григорьева.Ал Өскеменде аманаттықтар Мүшелбаевтар отбасына барды. Ербол және Әсел есімді ерлі-зайыптылар төрт бала тәрбиелеп отыр. Сондықтан жаңа оқу жылы қарсаңында партия көмегі уақытылы қолдау болды.
«Көпбалалы отбасылар үшін балақайларды жаңа оқу жылына дайындау – үлкен жүктеме. Партияның мұндай бастамасы біз үшін қомақты қолдау», – деді көпбалалы ана Әсел Мүшелбаева.
Посмотреть эту публикацию в Instagram
