50308
Дизель мен алкогольді заңсыз сатқан екі адам ұсталды (ВИДЕО)
Дизель мен алкогольді заңсыз сатқан екі адам ұсталды (ВИДЕО)
Атырауда акцизделетін өнімдердің заңсыз саудасының жолы кесілді деп хабарлады turkystan.kz Мемлекеттік кірістер комитетіне сілтеме жасап.
Атырау облысының Жылыой ауданы бойынша мемлекеттік Кірістер басқармасы 2022 жылдың маусым айында акцизделетін өнімдердің заңсыз айналымын анықтау және жолын кесу бойынша іс-шаралар жүргізіп, нәтижесінде 2 жеке тұлғаның 1 300 литр алкоголь өнімдерін және 2 500 литр дизель отынын заңсыз жолмен сатқанын анықтады.
«Іс материалдары Жылыой аудандық сотына жолданды. Жалпы, 2022 жылдың бірінші жартыжылдығында Атырау облысында 139 мың литр дизель отынының, 338 мың литр жанармайдың, 4 мың литр алкоголь өнімдерінің және 260 қорап темекі өнімдерінің заңсыз саудасының жолы кесілді» деп жазды ведомстводан.Көлеңкелі экономиканың алдын алу мақсатында акцизделетін өнімдердің заңсыз айналымын анықтау және жолын кесу бойынша іс-шаралар алдағы уақытта да жалғасын таппақ.
