الماتى وبلىسىندا جولدى سۋ شايىپ كەتتى (ۆيدەو)

الماتى وبلىسىنىڭ كەگەن اۋدانىندا رەسپۋبليكالىق جول جيەگىن سۋ شايىپ كەتتى دەپ حابارلادى turkystan.kz.

«الماتى وبلىسىنىڭ كەگەن اۋدانىندا رەسپۋبليكالىق ماڭىزى بار كوكپەك – كەگەن – ءتۇپ – جالاڭاش – ساتى – كولساي كولى جولىنىڭ 10-11 شاقىرىم ارالىعىنداعى جيەكتى 23 ماۋسىم كۇنگى نوسەر جاڭبىر شايىپ كەتتى. اتالعان ۋچاسكەدە جول قاۋىپسىزدىگىن قامتاماسىز ەتۋ ماقساتىندا توتەنشە جاعدايلاردىڭ الدىن الۋ مەكەمەسى، اۋدان اكىمشىلىگى، پوليتسيا قىزمەتكەرلەرى، دەۋ-91 مەكەمەسىنىڭ وكىلدەرى تاراپىنان كەزەكشىلىك ۇيىمداستىرىلىپ، جول قوزعالىسى قالپىنا كەلتىرىلدى. جول قاۋىپسىزدىگىن قامتاماسىز ەتۋ ماقساتىندا تابيعات سالدارىنان ورىن العان جاعدايدى قالپىنا كەلتىرۋ جۋمىستارى جۇرگىزىلۋدە»، – دەلىنگەن كەگەن اۋدانى اكىمىنىڭ ءباسپاسوز قىزمەتىنىڭ حابارلاماسىندا.

ايتا كەتسەك، قازىر تاسقىن سۋ توقتادى، كولىك قوزعالىسى قالپىنا كەلتىرىلدى.

ۇقساس جاڭالىقتار

Back to top button