50388
Индонезияда Қазақстан мен Димашқа арналған көрме өтеді
Индонезияда Қазақстан мен Димашқа арналған көрме өтеді
Джакартадағы Индонезия Республикасының Ұлттық кітапханасында «Димаш: Қазақстанның алтын дауысы» атты көрме өтеді деп хабарлады turkystan.kz dimashnews.com сайтына сілтеме жасап.
29 маусым мен 8 шілде аралығында өтетін іс-шараны Димаш Құдайбергеннің индонезиялық фан-клубы Қазақстан Республикасының Индонезиядағы Елшілігімен және Индонезия Республикасының Қазақстандағы елшілігімен бірлесіп ұйымдастырды.
Бұл іс-шара индонезиялықтардың көпшілігіне еліміздің мәдениетімен және Димаштың дауысымен танысуға мүмкіндік береді. Сондай-ақ, екі ел арасындағы достықты нығайтады.
Көрмеде Қазақстанның керемет сұлу табиғатының фотосуреттері, сондай-ақ жергілікті индонезиялық суретшілер жасаған түрлі өнер туындылары ұсынылады. Сонымен қатар көрменің бірінші күні кітапхананың бас залында Димаштың концерттерінің бірінің көрсетілімі өтеді.
