Бүгін түнде Ақтауда болған жол апатынан бес адам зардап шекті деп хабарлады turkystan.kz.
Олар Маңғыстау облыстық ауруханасына жеткізілді.
– Медициналық көмек көрсетілгеннен кейін төртеуі үйіне жіберілді. 2002 жылы туған қыз ауруханаға жатқызылды. Оған көптеген жарақат, соның ішінде жамбас сүйегінің сынуы және бас-ми жарақаты диагнозы қойылды. Зардап шегушінің жағдайы орташа ауырлықта, - дейді Маңғыстау облыстық көпсалалы ауруханасының баспасөз қызметі.
Айта кетсек, ВАЗ-21150 көлігінің жүргізушісі солға бұрылған кезде Daewoo Nexia көлігіне жол бермей, соқтығысқан.
- Оқиғаға кінәлі азаматқа қатысты ҚР ӘҚБтК-нің 610-бабы (Көлiк құралдарын жүргiзушiлердiң адам денсаулығына зиян келтiруге, көлiк құралдарының немесе өзге де мүлiктiң зақымдануына әкеп соққан жол қозғалысы ережелерiн бұзуы) бойынша әкімшілік хаттама толтырылды. Көлік айыппұл тұрағына қойылды, - деді облыстық Полиция департаментінің баспасөз қызметі.