Нұр-Сұлтанда бір тәулікте 124 жол-көлік оқиғасы болды

Нұр-Сұлтанда бір тәулік ішінде 124 жол-көлік оқиғасы болды деп хабарлады turkystan.kz елордалық ПД баспасөз қызметіне сілтеме жасап.

«Нұр-Сұлтанда бір тәулік ішінде 124 ЖКО тіркелді. 23 наурызда сағат 14.30-да Қосшы - Нұр-Сұлтан бағытындағы тас жолда 12 көлік соқтығысқан болатын. Оқиға кінәлілердің метеорологиялық жағдайда жылдамдық режимін сақтамауынан болды», - деп хабарлады ПД.

Қазір 12 автокөліктің соқтығысуы бойынша анықтау жұмыстары әлі жүріп жатыр.