​​AMANAT پارتياسى جانىنان TALQYLAU قوعامدىق ديالوگ الاڭى جۇمىسىن باستادى

بۇگىن AMANAT پارتياسىنىڭ قوعامدىق ساياسات ينستيتۋتى جانىنان «TALQYLAU» جاڭا ديالوگ الاڭى ءوز جۇمىسىن باستادى دەپ حابارلادى turkystan.kz.

پارلامەنت دەپۋتاتتارىنىڭ، ساراپشىلار مەن قوعام بەلسەندىلەرىنىڭ قاتىسۋىمەن وتكەن العاشقى تالقىلاۋ مەملەكەت باسشىسىنىڭ جولداۋىنا جانە ارالاس سايلاۋ جۇيەسىنە كوشۋگە ارنالدى. تالقىلاۋ الەۋمەتتىك جەلىلەردە تىكەلەي ەفيردە تاراتۋ ارقىلى ينتەراكتيۆتى فورماتتا ءوتتى.

TALQYLAU-دىڭ العاشقى وتىرىسىن اشقان AMANAT پارتياسىنىڭ اتقارۋشى حاتشىسى اسحات ورالوۆ پرەزيدەنت جاريالاعان رەفورمالار قازاقستاننىڭ مەملەكەتتىك قۇرىلىسى تاريحىنىڭ جاڭا كەزەڭىنە باستايتىنىن اتاپ ءوتتى.

«سايلاۋ تۋرالى زاڭناماعا وزگەرىستەر ەنگىزىلەدى. بۇل ەلدەگى دەموكراتيالىق وزگەرىستەردىڭ كاتاليزاتورى مەن نەگىزىنە اينالاتىنى ءسوزسىز. ساياسي پارتيالاردى تىركەۋ رەسىمدەرىن جەڭىلدەتۋ جاڭا ساياسي قوزعالىستاردىڭ قۇرىلۋىنا سەرپىن بەرەدى جانە جۇمىس ىستەپ تۇرعان ساياسي بىرلەستىكتەردىڭ ءوز قىزمەتىن جانداندىرۋىنا الىپ كەلەدى. بۇل باعىتتا AMANAT پارتياسى بەلسەندى جۇمىس ىستەۋدە. سەزدەن بەرى ءبىر ايعا دا جەتپەيتىن ۋاقىت ءوتتى. سوعان قاراماستان ونىڭ بارىسىندا ايتىلعان مىندەتتەر مەن باستامالار بۇگىندە ىسكە اسىرىلىپ جاتىر جانە TALQYLAU – سول باستامالاردىڭ ءبىرى»، – دەدى پارتيانىڭ اتقارۋشى حاتشىسى.

ءوز كەزەگىندە، AMANAT پارتياسى دەپۋتاتتىق فراكتسياسىنىڭ مۇشەسى ساياسات نۇربەك تالقىلاۋ العاش رەت تىكەلەي ەفيردە ءوتىپ جاتقانىن العا تارتتى.

«ءبىز بۇگىن قۇرىلىمدانباعان، تسەنزۋرادان وتپەگەن اشىق ديالوگ ءداستۇرىن باستايمىز دەپ ۇمىتتەنەمىز. بۇل پرەزيدەنت جولداۋى اياسىندا وتە ماڭىزدى، ويتكەنى «جاڭا قازاقستان» جۇمىسىن جاڭا قاعيداتتار مەن جاڭا جۇمىس فورماتتارىنان باستاۋ كەرەك»، – دەدى ول.

تاعى وقي وتىرىڭىز: «ساياسي بىرلەستىكتەردى جاڭارتۋ جۇمىسىن باستادىق» – اسحات ورالوۆ

ۇقساس جاڭالىقتار

Back to top button