БҚО-да хабар-ошарсыз кеткен екі адамның бірі өлі табылды

Батыс Қазақстан облысында хабар-ошарсыз жоғалып кеткен екі ер адамның біреуінің денесі табылды, деп хабарлайды Turkystan.kz  Azattyq Ruhy-на сілтеме жасап.

Бұл туралы БҚО Полиция департаментінің баспасөз қызметі хабарлаған. Оқиға Бәйтерек ауданы Январцев ауылында болған, 39 жастағы ер адам 25 қараша күні түнгі сағат 01.00-де үйінен шығып кетіп, қайтып оралмаған.

Марқұмның денесі 27 қараша күні ауыл маңында Жайық өзенінің жағасынан табылды. Денесінде зорлық-зомбылық белгілері болмаған. Мүрде сот-медициналық сараптамаға жіберілді.

Екінші ер адам әлі табылмай жатыр.

Жыл басынан бері облыс бойынша барлығы 57 адамға іздеу жарияланған, соның 8-і табылмаған.

Ұқсас жаңалықтар

Back to top button