__MañızdıJañalıqtar

ŞIW älemdegi eñ tabıstı äri bedeldi öñirlik birlestikke aynaldı – Memleket basşısı

Şanhay ıntımaqtastıq wyımı älemdegi eñ tabıstı äri bedeldi öñirlik birlestikke aynaldı. Bwl turalı Duşanbede ötip jatqan ŞIW-ğa müşe memleketter basşıları keñesinde Prezident Qasım-Jomart Toqaev mälimdedi, dep habarlaydı QazAqparat.

«Biıl wyımımız üşin ataulı jıl. 20 jıl bwrın tarihi qadam jasalıp, Şanhay ıntımaqtastıq wyımın qwru turalı deklaraciya qabıldandı. HHİ ğasırdıñ basında negizi qalanğan Şanhay ıntımaqtastıq wyımı bükil älemge Euraziya keñistigindegi halıqtardıñ qauipsizdigi, damuı, jäne güldenui üşin tiimdi ıntımaqtastıqqa wjımdıq erik-jigerin paş etti. Ortalıq küş-jigerimizdiñ arqasında ŞIW älemdegi eñ tabıstı äri bedeldi öñirlik birlestikke aynaldı. ŞIW jauapkerşiligi aymağında auqımdı demografiya, qarjı, şikizat resurstarı sonımen qatar quattı tehnologiyalıq äleuet şoğarılanğan», – dedi Memleket basşısı.

Prezident qomaqtı normativtik-qwqıqtıq baza qalıptasıp, barlıq deñgeyde tiimdi özara is-qimıl tetikteri qwrılğanın basa ayttı.

Wyımnıñ halıqaralıq baylanıstı qarqındı türde keñeyude. Ündistan men Päkistannıñ qosıluı ŞIW-nı küşeyte tüskeni sözsiz. Onıñ qızmetine naqtı transeuraziyalıq sipat berdi. Irandı qabıldau procedurasın bastau turalı şeşim, sonday-aq Mısır, Saud Arabiyası men Katarğa dialog jönindegi äriptes märtebesin beru wyımğa jaña ölşem – tayauşığıstıq sipat beredi. Mwnıñ barlığı da ıntımaqtastıqtıñ Şanhay ruhınıñ özektiligi men biregeyligin däledeydi, – dedi Qasım-Jomart Toqaev.

Memleket basşısı ŞIW aşıq äri transparentti qwrılım bolğanın jäne solay bolıp ta qala beretindigin, qızmeti özge elder men bloktardıñ müddesine qarsı bağıttalmağandığın atap ötti.

«Endi Şanhay ıntımaqtastıq wyımı öz damuınıñ sapalı jaña kezeñine şığadı», – dedi Prezident.

Back to top button