Жазушы Аягүл Мантайдың өліміне қатысты қылмыстық іс қозғалды
Жазушы Аягүл Мантайдың өліміне қатысты Түркістан облысының полицейлері қылмыстық іс қозғады, деп хабарлайды Azattyq Ruhy.
Ақпаратта сүйенсек, сотқа дейінгі тергеу амалдары «Өзiн-өзi өлтiруге дейiн жеткiзу» бабы бойынша басталған. Жазушының мезгілсіз қазасы әлеуметтік желіде резонанс тудырды, себебі желі пайдаланушылары бәзбіреулер марқұмды өлімге итермелегенін айтып жатыр.«Суицид жайты Жетісай АПБ полицейлерімен ҚР ҚК-нің 105-бабымен «Өзiн-өзi өлтiруге дейiн жеткiзу» тіркеліп, сотқа дейінгі тергеу амалдары жүргізілуде. Полицейлермен қажетті деген іс-шаралардың барлығы атқарылуда. Тиісті сараптамалар тағайындалды. Оқиғаның толық мән-жайы тергеу барысында анықталатын болады», - деді Түркістан облысы ПД ресми өкілі Салтанат Қаракөзова.
