رۋحيا بايدۇكەنوۆا: جەڭىسىمدى قازاق ەلىنە ارنايمىن

«سلاۆيان بازارى» حالىقارالىق بايقاۋىنىڭ گران-پري يەگەرى رۋحيا بايدۇكەن بايقاۋدان كەيىنگى اسەرىن ءبولىستى، دەپ حابارلايدى قازاقپارات.

كوڭىل كۇيىم كەرەمەت. بۇل مەنىڭ ەڭ العاشقى ۇلكەن جەڭىسىم جانە ونى قازاق ەلىنە ارنايمىن. سەبەبى مەن وتانداستارىمنىڭ قولداۋىن سەزىندىم. سونىمەن قاتار وسىنداعى جەرگىلىكتى حالىق تا قولداۋ كورسەتتى. مەن ءوزىم مۋزىكامەن مەكتەپ جاسىنان باستاپ اينالىسىپ كەلەمىن. مەكتەپ بىتىرگەن سوڭ مۋزىكالىق كوللەدجگە ءتۇسىپ، ونى ءتامامداپ، قازىر ۇلتتىق ونەر اكادەمياسىنىڭ 3 كۋرس ستۋدەنتىمىن. الداعى ماقساتىم – ءوز اندەرىمدى ورىنداپ، سوعان كليپ ءتۇسىرۋ. سول سياقتى قازاقستاندىق جانە شەتەلدىك تەلەۆيزيالىق جوبالارعا قاتىسۋ. شەتەلدىك پروديۋسەر نەمەسە كومپانيالاردان ۇسىنىس ءتۇسىپ جاتسا، جۇمىس ىستەۋگە ءازىرمىن، – دەدى جاس ءانشى رۋحيا بايدۇكەن ZOOM الاڭىندا وتكەن ءباسپاسوز ءماسليحاتىندا.

سونداي-اق، جەرلەسىمىز، ءانشى ديماش قۇدايبەرگەن قولداۋ كورسەتكەنىن ايتىپ ءوتتى.

ديماش قۇدايبەرگەن بايقاۋعا دەيىن ءوز كەڭەسىن بەرىپ، قولداۋ كورسەتتى. اسىرەسە ۆوكال جاعىنان سۇيەمەلدەۋ كورسەتتى. بايقاۋ باستالعان سوڭ ءبىز سويلەسپەدىك، ويتكەنى ول تورەشى ال مەن قاتىسۋشىمىن. سوندىقتان ءبىز سايىستىڭ ءادىل ءوتۋىن قالادىق،- دەيدى ول.

ۇقساس جاڭالىقتار

Back to top button