Қаржылық мониторинг агенттігі бұрынғы денсаулық сақтау министрі Елжан Біртанов пен вице-министр Олжас Әбішевке қатысты сотқа дейінгі тергеуді аяқтады, деп хабарлайды inform.kz.
Біртанов пен Әбішев Денсаулық сақтау министрлігінің жарамсыз ақпараттандыру Платформасын қабылдау және пайдалануға беру арқылы лауазымын асыра пайдаланды деген күдікке ілінді.
Платформа Денсаулық сақтау жүйесіндегі проблемаларды жедел шешу үшін пациенттер, дәрі-дәрмектер және медициналық құралдар туралы барлық ақпаратты біріктіруі керек еді.
Қазір платформа жұмыс істемейді. Орындалмаған жұмыстың құны - 4,1 млн АҚШ долларын немесе 1,5 млрд теңге. Сондай-ақ, Елжан Біртанов санитариялық авиацияның әуе кемесін 2020 жылғы маусымда жеке мақсаттары үшін өкілеттіктерін асыра пайдаланды деген де күдік бар.
7 шілдеде сотқа дейінгі тергеп-тексерудің аяқталғаны хабарланып, қылмыстық іс материалдарымен танысу басталды. Өзге ақпарат ҚР ҚПК-ның 201-бабына сәйкес жария етілмейді.
