Қытай билігі коронавирустың шығу тегін зерттеуге келген ДДСҰ сарапшыларын елге кіргізбей отыр

Бейжің Дүниежүзілік денсаулық сақтау ұйымы (ДДСҰ) мамандарының халықаралық ғылыми тобына ел аумағына кіруге рұқсат беруді кешіктіріп отыр. Олар Қытайға коронавирустың шығу тегін зерттеу үшін келген. Бұл туралы  ДДСҰ басшысы Тедрос Аданом Гебрейесус мәлімдеді, деп хабарлайды korrespondent.net.  Оның айтуынша, Қытай билігімен тиісті уағдаластыққа қол жеткізілгеннен кейін  зерттеу тобының мүшелері ҚХР-ға аттанған. "Бүгін біз Қытай шенеуніктері топтың келуіне қажетті рұқсат беруді әлі аяқтамағанын білдік", - деді Гебрейесус, ол "бұл жаңалыққа қатты ренжігенін" баса айтты. Қытай аумағына өту мүмкін болмағандықтан ДДСҰ сарапшыларының бірі, Төтенше жағдайлар ұйымының бағдарлама директоры Майкл Райан үйіне оралған, ал екінші маман жағдайдың шешілуін күтіп, уақытша транзиттік елге аялдаған. Кейбір мамандар хабарлама алғанға дейін өз елдерінен кетуге уақыттары болмады. Райанның айтуынша, ел билігіне бұл жағдай туралы хабарланған және ДДСҰ мәселе жақын арада шешіледі деп сенеді.

Серіктес жаңалықтары