Nur Otan партиясының жеті басым бағыты бойынша жұмыс жасайтынын айтып, алдағы уақытта қолға алынатын бірқатар мәселелерге тоқталды.
Кездесуге келген ағайын еліміздегі жетекші партияны қолдайтындарын ғана айтып қоймай, келелі мәселелерді де көтерді.
Бисендік азамат Әбдірахман Құрақов ғаламтор қолжетімділігі туралы мәселе көтерсе, көктеректік ақсақал Қадырбай Айтасов электр бағандарының әбден тозып тұрғанын айтты.
– Қазіргі таңда аудан тұрғындарының төрттен үші көгілдір отынды тұтынып отыр. Күні ертең ала дауыл, ақ боран болып, электр сымдары үзіліп қалса, тек жарықсыз емес, жылусыз да қаламыз. Үміткерлер осы мәселенің тиісті деңгейде көтерсе екен, – деді Қадырбай Айтасов.
Аудандық мәслихатқа үміткер Лариса Қайырғалиева ғаламтор мәселесі Бисен ауылдық округінде жақын күндері шешімін табады деп уәде берді.
– Электр сымдарының тозығы жетіп тұрғаны рас. Бұл тек біздің аудан үшін ғана түйткілді мәселе емес, бұл мәселе облыстық деңгейде күн тәртібінде тұр. Бір шешімі міндетті түрде болады, – деді Лариса Қайырғалиева.
Жиекқұм тұрғыны Гүлмаржан Мәмбетова ауыл тұрғынымен болған кикілжіңнің соңында немересінің денсаулығына айтарлықтай зақым келгенін айтып, істің ақ-қарасын анықтауды қолға алуды сұрады.
Үміткерлер Жетібайда канвассинг шарасы аясында Бисен Ижановтың, ауылдың ақ жаулықтылары Мәрзия Қауысова мен Қапышпай Қуанғалиевалардың үйлеріне арнайы бас сұғып, маңызды шарадан қалыс қалмай, дұрыс таңдау жасауға шақырды.
Тапсырыс беруші: Аққалиев Мейрамбек Сағынғалиұлы. Nur Otan партиясының Батыс Қазақстан облысы Бөкей ордасы ауданының сайлау қоры қаражатының есебінен төленді.
