Баласы емге мұқтаж аналар оңалту орталықтарының жоқтығына наразы

ADAL  партиясынан депутаттыққа үміткер Ақмарал Бекмұрзаева ҮЕҰ жетекшілері және ата-аналармен онлайн кездесу өткізді. Кездесу барысында емге мұқтаж балаларды әлеуметтік қорғау шарттары мен медициналық көмектің сапасы талқыланды. Осы мәселелер тұрғысынан нормативтік-құқықтық базаны жетілдіру бойынша ұсыныстар да қаралды. ҮЕҰ өкілдері мен ата-аналар балаларды оңалту мәселесіне шағымданды. «Аймақтық миссиялар кезінде партияға осы проблема туралы көптеген хабарлама келіп түсті. Көптеген аймақта оңалту орталықтары жоқ, сондықтан балалар қажет көмекті  алмайды», – деді Ақмарал Бекмырзаева. Кездесуге қатысушылар мәселенің өзектілігін растады. Сондай-ақ олар дәрі-дәрмектердің жетіспеушілігі, медициналық қызмет көрсету проблемалары және ерекше қажеттіліктері бар балаларға арналған дене шынықтыру орталықтарының жоқ екенін атап өтті. Тағы бір маңызды мәселе – аналар үшін психологиялық көмектің болмауы. «Босанған анаға перзентханада психологиялық көмек көрсетілуі керек. Психолог әйелді қолдауы, оны бала тәрбиелеуге дайындауы тиіс», – деп атап өтті Ақмарал Бекмұрзаева. «Бізге тегін ештеңе қажет емес. Мемлекет тарапынан көрсетілетін көмек уақтылы және шынымен сапалы болуын сұраймыз», – деді жиынға қатысушы. Ақмарал Бекмұрзаева ADAL партиясы бұл мәселелерді қараусыз қалдырмайды және бұл проблемалардың нақты шешімін әзірлейді деп сендірді.  

Серіктес жаңалықтары