Партиялар «парады»

2021 жылғы 10 қаңтарда қазақстандықтар Мәжіліс депутаттарын сайлайды. Соңғы 17 жылда алғаш рет өз уақытында өткелі отырған бұл саяси додадан сайлаушылардың  күтері көп. Ең әуелі Парламент құрамы жаңарып, заң шығарушы органға жігерлі жастар, халықтың мұң-мұқтажын білетін, ел ішіндегі түйткілдердің түйінін тарқата алатын азаматтар келер деген үмітте. Төменгі палата қалғып-мүлгіп отыратындардың ортасы емес, ел дамуына мүдделі партиялардың қызу талқы алаңы болғанын қалайды. Халықтың көксегені бола ма, әлде Мәжіліс қайтадан «көз көргендерден» жасақтала ма? Биылғы сайлауда қандай өзгерістер болады? Партиялардың додаға дайындығы қалай? Олардың көбі неге сайлау науқаны кезінде ғана белсенді? Осы сауалдарға жауап іздемекпіз.

Қаңтардағы сайлаудың ерек­шелігі көп

Тәуелсіздіктің 29 жылында Қазақстанда 7 рет Парламент сайлауы өткен екен. Оның 5-еуі кезектен тыс болған. Қазір Мәжілісте алтыншы шақырылым депутаттары отыр. Бұл құрам 2016 жылы 20 наурызда өткен сайлаудан соң жасақталған. Сайлауға қатысқан алты партияның үшеуі сайлаушылардың 7 пайыздан астамының дауысына ие болып, Парламент Мәжілісінің құрамына енді. Олар: Nur Otan партиясы (82,20%), Қазақстанның «Ақ жол» демократиялық партиясы (7,18%) және Қазақстан Коммунистік Халық партиясы (7,14%). Ал тағы 9 депутат Қазақстан халқы Ассамблеясынан сайланды.

Алтыншы шақырылымдағы Парламент Мәжілісіне алға­шында Бақытқожа Ізмұхамбетов төрағалық еткен еді. Ол өз өкілеттігін 2016 жылы маусымда тоқта­тып, оның орнын Нұрлан Нығма­тул­лин басты. Ол төменгі палатаға төрт жыл бойы жетекшілік етті.

Конституциямызға сәйкес, жетінші шақырылымдағы Парламент сайлауы 2021 жылғы 21 қаңтардан кешікпей өтуі тиіс болған. Сайлау Мәжіліс өкілетті­лігінің аяқталуына 5 ай қал­ған­да жария­ланады. Сосын 2 айдан кешіктірілмей сайлау өтуі тиіс.

«Алдағы сайлау еліміздің саяси жүйесін жаңартуды қамтамасыз ететін саяси институттарды дәйекті түрде демо­кра­­тияландыруға және жаңғыртуға Қазақстанның аса ықыласты екенін тағы да бір дәлелдейтін болады. Барлық саяси партиялардың бұл сайлау науқанына қатысуға дайындалуына, сайлау алдын­дағы платформасын әзірлеуіне, партия­лық инфрақұрылымдарды жетілдіруіне уақыты жеткілікті болды. Орта­лық сайлау комиссиясы мен Бас прокуратура сайлаудың заңдылығын, ашықтығын және әділдігін сақтау үшін тұрақты бақылау жүргізіп отырады», – деді Мемлекет басшысы халыққа жолдаған үндеуінде.

Президент сайлаудың жаңаша сипатта өтетінін айтты. Біріншіден, парламенттік оппозиция институты енгізіледі. Мысалы, Мәжілістегі тұрақты комитет­тердің бірінің төрағасы, екеуінің хатшысы оппозиция депутаты болуы тиіс. Парламенттік оппозиция бір сессия кезінде кем дегенде бір рет парламенттік тыңдау өткізуге бастама көтеріп, жоқ дегенде екі үкіметтік сағаттың тақыры­бын бекіте алады.

Екіншіден, парламенттік тәжіри­беміз­де тұңғыш рет әйелдер мен жастар­ға 30 пайыздық квота енгізілді. Мәселен, қазір еліміз бойынша 3 мыңнан астам мәслихат депутатының 2,7 пайызы ғана жастар. Үшіншіден, 10 қаңтарда мәсли­хаттарға да сайлау өтеді және олар ал­ғаш рет партиялық тізім бойынша жасақ­талады. «Бұл партиялардың өз пози­цияларын елдің саяси жүйесінде ны­ғайтуға қосымша мүмкіндік береді», – деді Қасым-Жомарт Тоқаев.

Сайлау шығыны – 15,3 миллиард теңге

Орталық сайлау комиссиясының дерегінше, Мәжіліс пен мәслихат депутаттарының сайлау науқанына арналған бюджеттік шығыстар сметасы – 15,3 миллиард теңге.

«Соның ішінде Үкіметке ұсынылған, 2020 жылға арналған шығыстар сметасы шамамен 10,8 миллиард теңге болып отыр. Негізгі сома – 7,3 миллиард теңге немесе жалпы шығыстың 68 пайызы сайлау комиссиясының 70 681 мүшесінің еңбекақысын төлеуге кетеді. Қалған 3,5 миллиард теңге немесе 32 пайызы сайлау комиссияларының ұйым­дас­ты­рушылық шығыстарына жос­парланған. Бұған бюллетеньдерді дайындау, полиграфиялық және басқа да медиа­өнімдер жасату, жариялылық пен ашықтықты қамтамасыз ету үшін сайлау науқанын ақпараттық сүйемелдеу, сон­дай-ақ сайлау комиссиялары үшін қажетті материалдық-техникалық жағ­дай­лар туғызу жатады», – дейді Орта­лық сайлау комиссиясының хатшы­сы Сабила Мұстафина.

Бұл жолғы сайлау науқанының ерекшелігі – оның коронавирусқа қарсы шектеу шаралары аясында өтетіні. Бұл да бюджетке қосымша жүктеме: барлық деңгейдегі сайлау комиссиясы мүшелерін жеке қорғаныш заттарымен жабдықтау үшін 341,4 миллион теңге жұмсалмақшы екен.

Бұдан басқа, келер жылдың бюд­жетінде сайлауға тағы 4,5 мил­лиард теңге қарастырылған. С.Мұстафи­на­ның мәліметінше, ол қаржы толы­ғы­мен дерлік сайлау комиссиялары мүше­ле­рінің жалақысына арналады.

Орталық сайлау комиссия төра­ғасының орынбасары Констан­тин Петровтың айтуынша, партиялардың өз кандидаттарын ұсынуы биылғы 10 қарашадан 30 қараша күнгі 18.00-ге дейін жүреді. Яғни, 1 желтоқсанда қай партиядан қандай тұлғалар додаға түсетіні толық анықталады. Әзірге белгілісі – аламанға бес партияның қатысатыны: «Nur Otan», «Ақ жол», «Ауыл», «Бірлік» (Adal), Қазақстан Ком­мунистік Халық партиясы (Халық пар­тиясы). Ал бастапқыда додаға түсетінін мәлімдеген Жалпыұлттық социал-демократиялық партиясы өткен аптада сайлауға қатысудан бас тарту туралы шешім қабылдады.

«Nur Otan» өз уәделерінің 96 пайызын орындады

«Қоғамдық пікір» зерттеу институты­ның өткен айда жүргізген сауална­масының қорытындысына сүйенсек, «Егер сайлау келесі жексенбіде өткізілсе, онда сіз қандай саяси партияға дауыс бересіз?» деген сұраққа респонденттердің басым көпшілігі, яғни 72,1 пайызы «Nur Otan» партиясына дауыс беретінін айтқан. Сауалнамаға қатысқан 1 200 адамның 5,1 пайызы «Ақ жол» партия­сына қолдау білдіруге ниет білдірсе, ҚКХП-ға – 2,9 пайыз, «Ауыл» партиясына – 2,7 пайыз, ЖСДП-ға – 2,3 пайыз, «Бір­лік» партиясына (Adal) – 1,9 пайыз рес­пондент таңдау жасаған. Ал сауал­нама қатысушыларының 13 пайызы қай партияға дауыс беретінін әлі анықта­ма­ға­нын айтыпты.

Әрине, бұл цифрлар елдегі қазіргі саяси көңіл күйдің көрсеткіші бола алмайды. Сайлау қорытындысы бұдан әлдеқайда алшақ болуы мүмкін. Десе де, «Nur Otan» партиясының сай­лауал­ды үгіт-насихат басталмай тұрып-ақ көптің сеніміне ие болуы ешкімді таңғалдыра қоймады. Өйткені «Nur Otan» тек электораттық кезеңде оянатын көп партиялар секілді қалың ұйқыда жатқан жоқ. Өткен сайлауда халық артқан сенімді ақтау үшін партия бар күш-жігерін сайлауалды бағдарлама­сындағы мақсат-міндеттерді орындауға жұмылдырды. Соңғы 4 жыл ішінде «Nur Otan» партиясының «Қазақстан 2021: Бірлік. Тұрақтылық. Жасампаздық» бағдарламасында берілген уәделердің 96 пайызы орындалған. Партияның биылғы пандемия және табиғи апаттар кезіндегі ізгілікті істері қоғамның көз алдында. Ал ел тарихында тұңғыш рет өткізілген праймериз «Nur Otan»-ның күрделі өзгерістерге ашықтығын, ел дамуына үлес қосам дейтін кез келген азаматқа төрін ұсынуға дайын екенін көрсетті. Бәзбіреулер праймеризді партияның кезекті пиары деп әдіптесе де, партияішілік сайлау нәтижесінде елге тұтқа болуға лайықты ең таңдау­лылар іріктелгеніне халық шүбә келтір­ген жоқ.

Ал өзге партиялар ше? Өткен сайлаудан кейін көбінің аты естіле қойған жоқ. Бірі жаңа сайлау науқанына дейін өзіне ұзақмерзімді демалыс жарияласа, енді бірі арагідік белсенділік танытып жүр.

Adal – партияның аты

Сайлау науқаны басталғанда бар екенін білдірген партиялардың бірі – «Бірлік» партиясы. Партия жаңа сайлауға дайындықты ребрендингтен бастады. Бұдан былай «Бірлік» емес, Adal деп аталмақ. Серік Сұлтанғали төрағалық ететін бұл партияға 53 мыңнан астам адам мүше. 2016 жылғы сайлауда Adal ең аз 0,29% дауыс жинап, Парламентке өтпей қалған еді. Сол сәтсіздіктен кейін адалдықтар қоғам өмірінің ешбір саласында белсенділік танытқан жоқ. Тіпті, күні бүгінде дейін партияның жеке сайты да болмаған. Жаңа сайлау нау­қанында бұл кемшілік кешірілмей­тінін түсінсе керек, өткен аптада Adal-дың жаңа порталы іске қосылды. Порталда партияның сайлауалды бағдарлама­сының жобасы жұрт назарына ұсыны­лыпты. Құжат бес бағыттан тұрады: Халық­тың өмір сапасын көтеру; Кәсіп­керлік – дамыған мемлекеттің іргетасы; Агроөнеркәсіптік кешенді дамытуға басымдық беру; Өңірлердің өркендеуі – қуатты мемлекет діңгегі; Өмірге қолайлы мемлекет.

Adal партиясының 19 қарашада өткен VII съезінде депутаттыққа ұсынатын 20 кандидатының тізімін таныстырды. Тізімге қарап ұққанымыз – партия есімі елге белгілі азаматтар – артында қалың оқырманы, көрермені, жанкүйері бар өнер, спорт, ақпарат саласының өкілдері арқылы ұпай жинап, халық алдындағы сүйкімін арттыруға бекінген секілді. Атап айтсақ, Adal-атынан додаға түсетін үміткерлер қатарында белгілі тележурналист Мақсат Толықбай, ережесіз жекпе-жектен әлемнің үш дүркін чемпионы Ардақ Назаров, журналист, әлеуметтік желіде жұртты аузына қаратқан танымал блогер Дәулет Мұқаев бар.

Адалдықтар ешқашан негізсіз уәде­лерімен назар аудартпағанын айт­қан партия төрағасы Серік Сұлтан­ғали: «Біз біреудің көңілінен шығу қажет деген ұстаныммен жүрмейміз. Біздің партия – нақты істің көрсеткіші», – деді съезде. Сайлаушылар сол көрсеткішті тезірек көруге асық.

2002 жылы құрылған «Ауыл» халық­тық-демократиялық патриоттар пар­тиясын да көпшілік «сайлаудан сайлауға дейін» өмір сүретін партия санатына қосады. Алайда саяси ұйымның бас­шысы, Сенат депутаты Әли Бектаев­тың пікірі әсте олай емес. «Казахстанская правда» басылымына берген сұхбатында партия төрағасы «Ауылдың» өңірлерде жоғары беделге ие екенін айтыпты. Парламенттік партияға айналуды мақсат етіп отырған партияға бүгінде 300 мыңнан астам адам мүше.

Аграрлық секторға қолдау көр­сетуді, ауыл еңбеккерлерінің құқығын қорғауды жұмысының негізгі бағыты еткен «Ауыл» партиясы 2016 жылғы сайлаудан кейін белсенділігін азайтқанымен, ел назарынан мүлдем жоғалып кеткен жоқ. Мемлекеттің ауыл шаруашылығын дамыту саласындағы бастамаларына үн қосып жүрді. Мәселен, 2017 жылдың қарашасында партиялық­тар Агроөнеркәсіптік кешенді дамыту­дың 2017-2021 жылдарға арналған мемлекеттік бағдарламаласы аясындағы жол картасын талқылау үшін конферен­ция өткізген. Ауыл шаруашы­лығы министірі­нің орынбасары партия акти­віне бағдарламаның жүзеге асырылу барысы жайлы ақпарат ұсынды. Сол арқылы «Ауыл» партиясы бағдарламаның өңірлерде кеңінен насихатталуына үлес қосты.

2019 жылы Жастар жылы аясында «Ауыл» мүшелері Ауыл жастарының I республикалық форумын өткізді. Сон­дай-ақ партия төрт жыл қатарынан «Ауылым – алтын тұғырым» атты жас ақын-жазушылар байқауын ұйымдас­тыр­ғанын атап өткен жөн. Бүкіл рес­пуб­лика аумағында өткізіліп жатқан «Өз ағашыңды отырғыз» акциясының бастамашысы да – «Ауыл» партиясы.

Компартия өз күшіне сенімді

Ал 2016 жылғы сайлау нәтижесі бойынша Парламенттен орын алып, елдің саяси өміріне белсене араласу мүмкіндігіне ие болған «Ақ жол» партиясы мен Қазақстан коммунистік халық партиясының қандай бастама көтергенін, не атқарғанын, берген уәде­лерінің қайсын орындап, қайсын орын­дамағанын халық жақсы біледі. Екі пар­тия да өткен жылы өткен президент сай­лауына өз кандидатын ұсынды. «Ақ жолдың» үміткері Дания Еспаева сайлаушылардың 5,05 пайыз дауысын жинаса, коммунистік партияның атынан додаға түскен Жамбыл Ахметбеков 1,82 пайыз дауысқа ие болды.

Президент сайлауындағы сәтсіз­дікке қарамастан, қос партия да бет алған бағытын өзгертпей, еліміздегі заң шығару ісіне белсене араласты. Өзгергені – компартияның атауы ғана. Бұдан былай партия «Қазақстанның халық партиясы» деп аталмақ. «Қазақ­станның халық партиясы» болып өзгеру – коммунистік идеологиядан кету деген сөз емес, партияның әлеуметтік мәсе­ле­лер­ге көп мән беруіне байланыс­ты» – дейді бұл партияның жетекшілері.

Мәжілістегі Қазақстанның халық партиясы фракциясының жетекшісі Айқын Қоңыров партияның Парламентке өтетініне шүбә келтірмейді.

«Біз үшін 7 пайыздық кедергіден өту мүлдем қиын емес. Біз Парламенттен мүмкіндігінше көбірек орын аламыз деп үміттенеміз. Өйткені бүкіл әлемде солшылдар саясаты өзекті болып барады. Менің ойымша, Қазақстан да осыдан тыс қалмайды. Экономикалық жағдай қазір күрт нашарлап бара жатқанын ескерсек, адамдар неге олай болып жатыр деп ойлана бастайды», – дейді ол.

Парламент құрамы қаншалықты жаңарады?

10 желтоқсанда партиялардың сайлауалды үгіт-насихаты басталады. Бұрынғыдай емес, қазір халық үйіп-төгіп бос уәде беретіндер мен айтқан сөзінде тұратындардың аражігін айыра алатын болды. Демек, бұл жолы қолынан іс келетін партиялар ғана суырылып шыға­ты­нына сенім мол. Ел үшін маңыз­дысы – қай саяси ұйымның жеңетіні емес, халықтың көксейтіні – Парламенттің күшеюі. Парламент күшеюі үшін Мәжіліс құрамы жаңаруы тиіс. Алтыншы шақы­ры­лымдағы Мәжіліс құрамына алдыңғы шақырылымнан 43 депутат кірген болатын. Сөйтіп, Мәжіліс құрамы 60 пайызға жаңарды. Сарапшылардың болжамынша, осы жолы да 30-50 аралы­ғында тәжірибелі депутат төменгі палата құрамына қайта енуі мүмкін. «Мәжіліс құрамы 100 пайыз жаңаруы тиіс» деген пікірлер де айтылуда. Алайда саясаттану­шылардың пікірінше, толық жаңарған Парламент сапалы жұмыс істей алмауы мүмкін. Заң шығару ісінің қағидаларын түсіндіретін, өз түйгенін бөлісетін тәжірибелі азаматтардың депутаттық корпуста болуы маңызды. Бұған талас жоқ. Десе де, халыққа бере­рін берген зейнет жасындағы қазіргі депутаттардың орнына бойында қуаты мен жалыны бар жастар келсе, ел үшін әлдеқайда пайдалы болар ма еді? Ақсақалдардың ақыл айтып, кейінгіге кеңес беріп отыратын шағы емес пе? Қазіргі Мәжіліс депутат­тарының тең жартысы зейнеткерлер екенін ескерсек, әйелдер мен жастар квотасын 30 емес, 40 пайызға көтерсе де артық етпейтін секілді.

Парламентте есім-сойларын еш­кім естімеген, қанша жыл «халық қалаулысы» атанып жүрсе де, ел есінде қалатындай бастама көтермеген депутат­тар да аз емес. Ел алдына шығып, екі ауыз сөз айтпаса, қоғам мүддесі үшін іліп алар ілкімді іс тындырмаса, заң шығарушы органда не істеп отыр деген сұрақтың тууы заңды. Жаңа сайлаудан соң мұндай сауалдар көтерілмейді деп сенеді жұрт.

Қаңтардағы сайлаудан халықтың тағы бір күтері – Қазақстанның мемлекеттік тілі – қазақ тілінде сөй­лейтін Парламенттің жасақталуы. Мемлекет құраушы ұлттың тілінде шүлдірлемей, қағазға қарап жалтақтамай сөйлейтін депутаттарға төр бұйырса, елдің Парламентке сенімі де, құрметі де артары даусыз. Тәуелсіздіктің 29 жылында елімізде тек екі заңның ғана қазақ тілінде дайындалуы мемлекеттік тілдің мансұқталуы емей немене?! Оның бірі – Әкім Ысқақтың ықпалымен әзірленген «Көші-қон туралы» заң болса, екіншісі – Фариза Оңғарсынованың бастамасымен дайындалған «Бала құқықтары жөніндегі» заң. Ал оған дейінгі, кейінгі заңдардың барлығы орыс тілінде дайындалып, кейіннен қазақша­лан­ған. Онда да тәуір аударманы кезік­ті­ру қиын.

Міне, халықтың осы талап-ті­лек­тері орын­далса ғана кезек­ті сайлауды нәти­желі өтті дей алармыз, сірә… Ал елдің күткені болмаса, саяси науқанға бөлінген миллиардтар­дың желге ұшқаны.

 

 

Редакция таңдауы

Мемлекет басшысы Моңғолияның жаңадан сайланған президентіне құттықтау жеделхатын жолдады

Қазақстан Президенті Қасым-Жомарт Тоқаев Ухнаагийн Хүрэлсүхтің Моңғолия Президенті болып сайлануына байланысты құттықтау жеделхатын жолдады, деп хабарлайды Akorda.kz. “Ciздi Моңғолияның Президенті лауазымына сайлануыңызбен Қазақстан халқының және...

Қ.Ясауи атындағы ХҚТУ-да TÚRKISTAN газеті жинағының таныстырылымы өтті

Түркістан қаласындағы Қожа Ахмет Ясауи атындағы Халықаралық қазақ-түрік университетінде TÚRKISTAN газеті жинағының таныстырылымы өтті. Биыл Халықаралық қазақ-түрік университетінің 30 жылдық мерейтойы. Айтулы дата қарсаңында...

Түркістан іргесіндегі іргелі бақ түркі жұртының ырысты мекеніне айнала ма?

Түркістанның іргесіндегі Ескі Ихан ауылы – ежелден алма бағымен даңқы алысқа кетіп жатқан құтты ме­кен. Қазір бағбандардың алма, алша, жү­зім, өрік, алмұрт бағы жеміс...

Бағы жанған Бьернсон

Әрине, бүгінгі күннің көзқарасы тұрғысынан қарап Нобель сыйлығының үшінші лауреаты норвегтердің ұлттық мақтанышына айналған суреткері Бьернстано Бьернсонның шығармашылығына түрлі баға беруге қақымыз бар. Иә,...
Моңғолия

Мемлекет басшысы Моңғолияның жаңадан сайланған президентіне құттықтау жеделхатын жолдады

Қазақстан Президенті Қасым-Жомарт Тоқаев Ухнаагийн Хүрэлсүхтің Моңғолия Президенті болып сайлануына байланысты құттықтау...
199091592 3959947484053432 9137187900253977843 n

Қ.Ясауи атындағы ХҚТУ-да TÚRKISTAN газеті жинағының таныстырылымы өтті

Түркістан қаласындағы Қожа Ахмет Ясауи атындағы Халықаралық қазақ-түрік университетінде TÚRKISTAN газеті жинағының...
bau baksha01

Түркістан іргесіндегі іргелі бақ түркі жұртының ырысты мекеніне айнала ма?

Түркістанның іргесіндегі Ескі Ихан ауылы – ежелден алма бағымен даңқы алысқа кетіп...

Жаңалықтар

17 жастағы қазақстандық боксшы әлемдік рейтингте Жәнібек пен Батырдан асып түсті

Жеңіл салмақтағы қазақстандық боксшы Еркебұлан Баққожа (3-0, 2 КО) Box.Rec тұжырымынша ең мықты проспект атанды. Ол үш жекпе-жектен кейін-ақ ең үздік бес боксшының тізіміне...

Петропавлда қызын өлгенше сабаған әйелдің ісі бойынша сот отырысы басталды

Петропавлда қызын өлгенше сабаған әйелге қатысты сот отырысы басталды, - деп хабарлайды Tengrinews.kz. СҚО-ның кәмелетке толмағандардың істері жөніндегі мамандандырылған ауданаралық сотында халық арасында резонанс тудырған...

Еліміздегі су тапшылығы мәселесін шешуге Қырғыз Республикасы мен Тәжікстан көмектеспек

Қырғыз Республикасы мен Тәжікстан биылғы жазда елімізге қосымша 645 миллион текше метр су жібереді. Бұл оңтүстік аймақтардағы су тапшылығы мәселесін шешуге көмектеседі. Бұл туралы...

Министр Серік Шәпкенов наразылық білдіре келген көпбалалы аналармен неге жүздеспейтінін айтты

Еңбек және халықты әлеуметтік қорғау министрі Серік Шәпкенов митингіге шығатын көпбалалы аналармен неге жүздеспейтінін айтты, деп хабарлайды Sputnik Қазақстан. "Иә, министрліктің алдына азаматтар келеді, өздерінің...

«Посткеңестік елдердің ішінде қазақстандық сот жүйесі үздіктер қатарында» – шетелдік маман

Маусым айының бас кезінде Қазақстан Республикасының Жоғарғы Соты дипломатиялық миссиялар мен халықаралық ұйымдардың басшылары үшін алғаш рет брифинг өткізді. Осы кездесуде «бірегей» деген сөз...

Ақтөбеде қаржы пирамидасын құрғандар бас бостандығынан айырылды

Ақтөбеде жалған акция сатқан қаржы пирамидасының ұйымдастырушылары сотталды, деп хабарлайды Orda.kz Қаржы мониторингі агенттігіне сілтеме жасай отырып. Қаржы пирамидасын ұйымдастырушылар өздерін «Unique finance» шетелдік компаниясының өкілдері...

«39 әйел, 89 бала және 36 немересі қалды». Әлемдегі ең үлкен отбасының отағасы қайтыс болды

Үндістанның Мизорам штатындағы әлемдегі ең үлкен отбасының отағасы, 76 жастағы ер адам қайтыс болды, деп хабарлайды Tengrinews.kz. Бұл туралы штаттың Бас министрі Twitter-дегі парақшасында хабарлады. Зиона...

«Тура боевик фильмдегідей»: Ақтауда газель жарылды (видео)

Жеңіл автокөлік үздіксіз ағылып жататын Ақтау – Таушық тас жолында "Газель" отқа оранды. Куәгерлер бұл оқиғаны видеоға түсіріп, оны әлеуметтік желіге жариялады. Өрт сөндірушілер келгенге...

БҒМ: 2021 жылы студенттердің шәкіртақысы 20 пайызға артады

2021 жылы студенттердің шәкіртақысы 20 пайызға артады. Бұл туралы Білім және ғылым министрлігі facebook-тегі парақшасында хабарлады. Биыл грантқа түсуді жоспарлап отырған немесе мемлекет есебінен жоғары...

Даниал Ахметов өзіне қысым көрсетіліп жатқанын айтты

Шығыс Қазақстан облысының әкімі Даниал Ахметов Семей кәсіпкерлерінің шағымына қатысты түсініктеме берді, деп хабарлайды sputnik.kz. "Бұл билікке және маған қысым көрсету арқылы негізсіз субсидия бөлуге...

40 градустық аптап ыстық болады – синоптиктердің болжамы

Еліміздің кей аймақтарында 40 градустық аптап ыстық болады. Қазгидромет синоптиктері 15-17 маусымға арналған ауа райы болжамын ұсынды, деп хабарлайды Tengrinews.kz. Метеорологтардың мәліметінше, атмосфералық фронталды бөліктердің...

Әр балаға 42 500 теңге жәрдемақы төлене ме? – Министр пікір айтты

Еңбек және халықты әлеуметтік қорғау министрі Серік Шәпкенов есеп беру кездесуінде әр балаға 42 500 теңгеден төлеу туралы сұрақ кейінгі кезде жиі қойылып жүргенін...

Жаңа оқу жылында оқушылардың демалысы қысқаруы мүмкін

Білім және ғылым министрлігі орта білім беру ұйымдарында 2021-2022 оқу жылының басталуын, ұзақтығын және демалысын бекіту туралы бұйрықтың жобасын талқылауға шығарды, деп хабарлайды zakon.kz. Жобаға...

Еліміздің 6 өңірінде қоқыс өртейтін зауыт салынады

Бұл туралы Экология, геология және табиғи ресурстар министрі Мағзұм Мырзағалиев халық алдындағы есептік кездесуінде айтты. «Түзілетін қалдықтардың көлемін қысқарту үшін «Waste to Energy» қалдықтарды энергетикалық...

«Кешір, анашым… Әр күнім азапқа толы болды»: өзіне қол жұмсаған бойжеткен анасы хат қалдырған

Москва-Сити тұрғын үй кешенінің 86 қабатынан құлап, мерт болған Қазақстанның тумасы Диана Белорукова VK әлеуметтік желісінде өлер алдында өзінің жағдайын айтып, анасымен қоштасқан.  Бойжеткен небәрі...

Коронавирусқа қарсы вакцинаның 60 миллион дозасы жойылады. Неліктен?

АҚШ-тағы Азық-түлік және дәрі-дәрмектер басқармасы (FDA) америкалық Johnson & Johnson коронавирусқа қарcы вакцина өндірушісінің Балтимор зауытындағы қателігіне байланысты препараттың 60 миллион дозасын жою керегін...

Шетелдік оқу орындарындағы қазақ тілін оқыту жоғары мәртебеге ие

Х.Досмұхамедов атындағы Атырау университетінде «Шетелдік оқу орындарындағы қазақ тілін оқыту мен қандастарымыздың ана тілінде білім алуы» тақырыбында онлайн конференция өтті. ⠀ Шараның негізгі мақсаты - шетелдегі...

Матч кезінде жүрегі тоқтап құлаған футболист жағдайын айтты

Еуропа чемпионатының матчінде жүрегі тоқтап құлаған 29 жастағы ойыншысы Кристиан Эриксен жағдайы туралы айтты, – деп жазды «Чемпионат» басылымы. «Бәріне рақмет, мен берілмеймін. Қазір жағдайым...

Алматыда полицей көлігі жаяу жүргіншіні қағып, мерт қылды

Қайғылы оқиға 14 маусым таңғы 7:00 шамасында болған. Алатау ауданында «Хюндай элантра» маркалы қызметтік көлігінің жүргізушісі Өтемісұлы көшесімен жүріп келе жатып маневр жасаған көліктен...

COVID-19: Вакцинаның бірінші дозасын алып, ауырып қалсаңыз не істеу қажет?

№12 қалалық емхананың эпидемиологы Данара Укиеваның айтуынша, вакцинаның бірінші дозасын алған науқас ауырып қалса, екіншісін салдыру үшін алты ай күту қажет. «Егер антиденелер саны...

Коронавирус: «қызыл» аймақта бір өңір қалды

ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясы 2021 жылғы 14 маусымдағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады....

Атырауда халықаралық іздеуде жүрген қылмыскер ұсталды

Атырау облысы полиция департаментінің мәліметінше, Атырау қаласының көші-қон қызметі бөлімінің қызметкерлері халықаралық іздеуде жүрген Өзбекстан азаматын ұстады. Ол қалада уақытша тұру үшін тіркелгісі келген....

Өткен тәулікте мыңға жуық адамнан коронавирус анықталды

Қазақстанда өткен тәулікте 967 адамнан коронавирус инфекциясы анықталды, – деп хабарлайды coronavirus2020.kz. Аймақтар бойынша: Нұр-Сұлтан қаласы - 215, Алматы қаласы - 96, Шымкент қаласы -...

14 маусым: атаулы күндер мен маңызды оқиғалар күнтізбесі

1995 жылы Алматыда Ғалымдар үйінде Қаныш Сәтбаев атындағы халықаралық қордың ашылу салтанаты болды. Қор президенті болып ақын Кәкімбек Салықов сайланды. 2007 жылы Сырым Датұлының...

Бүгін еліміздің басым бөлігінде ауа райы құбылмалы болады

14 маусым күні Қазақстан территориясының басым бөлігінде атмосфералық фронталды бөліктердің өтуімен құбылмалы ауа райы сақталады: кей жерлерде найзағай, жаңбыр, бұршақ күтіледі. Еліміздің тек солтүстігі...

Венгрия, Таиланд және Моңғолия азаматтары Қазақстанға емін-еркін кіре алады

Бүгіннен бастап Венгрия, Таиланд пен Моңғолияда вакцина алғандар Қазақстанға емін-еркін кіре алады, деп хабарлайды inbusiness.kz. Бас санитар дәрігердің қаулысына сәйкес, “Қазақстан Республикасының аумағында Венгрия, Таиландия...

Қазақстан мұсылмандары қажылыққа бара ала ма?

Биыл Сауд Арабиясында тұратын 60 мың мұсылман ғана қажылық жасай алады, деп хабарлайды РИА Новости корольдіктің қажылық және умра істері министрлігінің өкіліне сілтеме жасап. "Қажылық және умра...

Қазақстанның құрметті құрылысшысы Ұзақбай Мамин дүниеден өтті

Премьер-Министр Асқар Маминнің әкесі, Еңбек ардагері, Қазақстанның құрметті құрылысшысы және Ақмола облысының құрметті азаматы Ұзақбай Жапарұлы Мамин дүниеден өтті, - деп хабарлайды Sputnik.kz. Ұзақбай Мамин...

EURO-2020: Англия құрамасы турнирді жеңіспен бастады

Англия құрамасы футболдан Еуропа чемпионатының топтық кезеңінде әлемнің вице-чемпионы Хорватиядан басым түсті, - деп хабарлайды Tengrinews.kz. Лондондағы "Уэмбли" стадионында өткен матчтің 6-минутында ағылшындар есеп ашуға жақын...

Мемлекет басшысы Моңғолияның жаңадан сайланған президентіне құттықтау жеделхатын жолдады

Қазақстан Президенті Қасым-Жомарт Тоқаев Ухнаагийн Хүрэлсүхтің Моңғолия Президенті болып сайлануына байланысты құттықтау жеделхатын жолдады, деп хабарлайды Akorda.kz. “Ciздi Моңғолияның Президенті лауазымына сайлануыңызбен Қазақстан халқының және...

Еліміздің 10 өңірінде дауылды ескерту жарияланды

Синоптиктер Шығыс және Батыс Қазақстан облыстары, Ақмола, Түркістан, Маңғыстау және Ақтөбе аймағында найзағай ойнайды деп болжап отыр. Ал Қызылордада шаңды дауыл көтеріледі. Сондай-ақ бұл аймақта...

Қазақстанда коронавирус пен пневмониядан тағы 14 адам қайтыс болды

ҚР Денсаулық сақтау министрлігі коронавирус пен пневмониядан өткен тәулікте қайтыс болған адамдар туралы мәлімет таратты. Қазақстанда 13 маусымдағы жағдай бойынша, бір тәулікте 14 адам...

Димаш Денис Тенді еске алды: «Ұйқың тыныш болсын, менің аңыз досым!»

Бүгін қазақстандық атақты мәнерлеп сырғанаушы Денис Теннің туған күні. Димаш Құдайберген осы күнге орай Instagram әлеуметтік желісіндегі парақшасында марқұм спортшы жайлы жазды. «Бүгін біздің...

Қазақстанда коронавирусқа шалдыққан 528 науқастың жағдайы ауыр

ҚР Денсаулық сақтау министрлігі коронавирус инфекциясына шалдыққан науқастар туралы мәлімет ұсынды. Елімізде коронавирус инфекциясынан 21 413 адам (20 281 КВИ+ және 1132 КВИ-) емделуде, олардың...

Кадрлық ауыс-түйіс: Қазақстанда апта ішінде болған тағайындаулар

Осы аптада,  7-13 маусым аралығында еліміздің Жоғарғы сотында, министрліктерде және өңірлерде бірқатар кадрлық ауыс-түйіс болды,  деп хабарлайды ҚазАқпарат. Апта басында Денис Шипп Қазақстан Республикасы...

Ғарышқа ұшу билеті аукционда 28 млн. долларға сатылды

Amazon компаниясының негізін қалаушы Джефф Безоспен бірге ғарышқа ұшу билеті 28 миллион долларға сатылды, деп жазды ҚазАқпарат. Бәссаудаға қатысуға 159 елден 7600-ге жуық адам...

Астананың екі тұрғыны көшеде әйелдердің алқасын жұлып әкетіп отырған

Нұр-Сұлтан қаласының тәртіп сақшылары бірнеше мәрте ұрлық жасаған екі ер адамды ұстады. Олар кешкі уақытта әйелдерді аңдып, алтын алқаларын жұлып әкетіп отырған, деп хабарлайды...

Түркістан облысында жоғалған туристер: тағы бір адамның мәйіті табылды

Түркістан облысында жоғалған туристердің бірінің мәйіті Сайрам-Өгем шатқалынан табылды. «2021 жылғы 12 маусымда Өгем өзені көпірінің сол жағынан Азартеке жотасына дейінгі бағытты тексеру барысында Республикалық...

Мөлдір Жаңбырбай Олимпиада ойындарына лицензия жеңіп алды

Каратеден Қазақстан құрамасының мүшесі Мөлдір Жаңбырбай ел қоржынына кезекті жолдаманы салды,– деп хабарлайды Olympic.kz. Ол Парижде өтіп жатқан лицензиялық додада күміс жүлдегер атанды. 55 келіге...

Жыл басынан бері Қазақстанда қылмыс 2,5 пайызға азайды – министр

Жыл басынан бері елдегі қылмыс 2,5 пайызға азайды. Бұл туралы Ішкі істер министрі Ерлан Тұрғымбаев мәлімдеді.  – Мемлекет басшысы Қасым-Жомарт Кемелұлының нақты тапсырмасы бар. Әрбір...

Қарағанды облысында шетел азаматының телефонын тартып алған күдікті ұсталды

Қарағанды облысында шетелдіктің телефонын тартып алған күдікті ұсталды, – деп хабарлайды Polisia.kz. 10 маусым күні Қарағанды облысы, Саран қалалық полиция бөліміне қаладағы көп қабатты...

2021 жылы білім беру гранттарының саны 5 мыңға артады

2021 жылы білім беру гранттарының саны 5 мыңға артады. Бұл туралы бүгін ҚР Президенті жанындағы Орталық коммуникациялар қызметі алаңында өткен брифингте Білім және ғылым...

Министр боксшыларға: Қазақ бокс мектебі әлем мойындаған мықтылар ордасы екенін тағы да паш еттіңіздер

Қазақстан Республикасының Мəдениет жəне спорт министрі Ақтоты Райымқұлова 21-31 мамыр аралығында Біріккен Араб Əмірлігінің Дубай қаласында өткен бокстан Азия чемпионатында жеңіске жеткен жəне жүлдегер...

Шымкент тұрғыны 5 миллион теңгеге 380 тонна күріш алып, ақшасын төлемей кеткен

Шымкентте алаяқ тұрғынның бес миллион теңгеге күрішін иемденіп кетті, – деп хабарлайды Polisia.kz. Шымкент қаласы Полиция департаменті Еңбекші ауданы Полиция басқармасына жергілікті тұрғын арызданған....

Қазақстанда бір тәулік ішінде 1118 адам вирус жұқтырды

Өткен тәулікте коронавирус инфекциясын жұқтырған 1118 жағдай тіркелді. Елімізде коронавирус инфекциясын жұқтырғандар саны 400 214-ке жетті. Оның ішінде: Нұр-Сұлтан қаласы - 286, Алматы қаласы...

Елімізде электросамокатпен жүруге шектеу қойылуы мүмкін

Ішкі істер министрі Ерлан Тұрғымбаев 11 маусымда халыққа есеп беру жиынында елде электросамокатпен жүруге шектеу қойылуы мүмкін екенін айтты. «Жол қозғалысы туралы заңда самокат...

Биыл студенттердің, магистранттар мен докторанттардың шәкіртақысы өседі – министр

2021 жылы студенттердің шәкіртақысы 20 пайызға, магистранттар мен докторанттардың стипендиясы 15 пайызға өседі. Бұл туралы ҚР Президенті жанындағы Орталық коммуникациялар қызметінің алаңында өткен брифингте...

Біз мектеп түлектерінің тілектеріне түсіністікпен қарадық – Асхат Аймағамбетов

Еліміздің 11-сынып түлектеріне арналған аттестаттарды тапсыру салтанаты 12-14 маусым аралығында өтеді. Іс-шара ашық алаңда өткізіледі. Бұл туралы бүгін ҚР Президенті жанындағы Орталық коммуникациялар қызметінің...

Енді автобус жолақтары кептеліс кезінде ғана қоғамдық көлікке арналады

Ішкі істер министрі Ерлан Тұрғымбаев Қазақстан жолдарындағы Bus lane жолақтарының қалай жұмыс істейтінін айтты. Ол бұл жөнінде Орталық коммуникациялар қызметінде өткен жиында баяндады. «Кейбір көшелерде...

Аймағамбетов күзде мектептер ашылады деп үміттенеді

Білім және ғылым министрі Асхат Аймағамбетов жаңа оқу жылында мектептерді ашу жөнінде пікір білдірді. Бұл жөнінде ол Орталық коммуникациялар қызметінде өткен баспасөз мәслихатында айтты. «Ең...

Демалыс күндері ауа райы қандай болады – Қазгидромет

Қазақстанда демалыс күндері күн суытады. «Қазгидромет» синоптиктері 12-14 маусымға арналған ауа райы болжамын ұсынды. Метеорологтардың айтуынша, Қазақстанның оңтүстік аймақтарында жылы және құрғақ ауа массалары ауа...

Машинист жағымсыз иіс сезген: Алматыда теміржол маңынан ер адамның мәйіті табылды

Түрксіб ауданында теміржол маңынан ер адамның мәйіті табылды. Алматы қалалық Полиция департаментінің мәліметінше, Локомотив машинисі жағымсыз иіске шағымданған. «Оқиға орнына келген полиция қызметкерлері бұталардың арасынан ер...

Түркістан облысында жоғалған туристерді іздеу жұмысы: ТЖМ жаңа мәлімет берді

Кинологиялық есепті қоса алғанда 10 адамнан тұратын республикалық жедел-құтқару жасағының (РЖҚЖ) жеке құрамы, Түркістан облысының тауларында іздестіру-құтқару жұмысын жалғастыруда. 10 маусым күні Өгем арнасының бойындағы...

Хабарсыз кетіп, қаза тапқан қазақстандық жауынгерлердің сүйегі туыстарына тапсырылды

Елордадағы Қазақстан Қарулы Күштері Ұлттық әскери-патриоттық орталығында Ұлы Отан соғысындағы ұрыс алаңдарында қаза тапқан қазақстандық жауынгерлердің туыстарының қатысуымен іс-шара өтті. Іздестіру топтарының жұмысының арқасында...

Жемқорлыққа қарсы іс-қимыл агенттігі: Алматы бойынша жаңа басшы тағайындалды

Мұрат Ахметов ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаментінің басшысы болып тағайындалды. Жаңа басшыны ҚР Сыбайлас жемқорлыққа қарсы іс-қимыл агенттігінің төрағасы Марат...

Илон Маск Қазақстанға сәлем жолдады

Tesla және SpaceX компанияларының басшысы америкалық миллиардер Илон Маск Қазақстанға сәлем жолдады. Видеоны бизнесмен, блогер Бейбіт Әлібеков Telegram-арнасында жариялады. Илон Маск Tesla Motors қызмет көрсету...

«Грузия полициясымен тығыз байланыстамыз» – министр Әсел Айтпаеваның өлімі туралы

ҚР Ішкі істер министрі Ерлан Тұрғымбаев 26 жастағы Әсел Айтпаеваның Грузияда қаза болуы жөнінде пікір білдірді. «Осы қылмыстық іс бойынша бізде бірқатар тергеу жұмысы жүргізіліп,...

«Ештеңе айта алмаймын»: министр Аяжан Еділованың өліміне қатысты пікір білдіре алмады

Ішкі істер министрі Ерлан Тұрғымбаев алматылық 19 жастағы Аяжан Еділованың өліміне қатысты пікір білдірді. «Бұл тергеудің егжей-тегжейін айта алмаймын, себебі іс Алматы қаласының арнайы прокурорларының...

«Жұлдызбен бір сахнада» жобасының жаңа концерті өтті

«Жұлдызбен бір сахнада» атты жаңа жобаның үшінші концертін «Qazaq Quintet» өнер ұжымы ұсынды. Қазақконцерттің 60-шы мерейтойлық маусымына арналған бұл концерт көрермен қауымның зор ықыласына...

Полицейлер жаңа форма киеді – министр

Жыл соңына қарай Қазақстандағы патрульдік полицейлер мен учаскелік инспекторлар жаңа формаға ауысады. Бұл туралы ҚР Ішкі істер министрі Ерлан Тұрғымбаев айтты. «Жыл соңында көшеде қызмет...

Хабиб Нурмагомедов Алматыға келеді

UFC чемпионы Хабиб Нурмагомедов Алматыға келеді. Ол аралас жекпе-жектен өтетін халықаралық турнирдің қонағы болады. Іс-шара 18 маусымда «Almaty Arena» кешенінде өтеді. Кештің басты жекпе-жегінде Шамиль...

Әлем картасында бесінші мұхит пайда болады

Ұлттық географиялық қоғам Атлант, Тынық, Үнді және Солтүстік Мұзды мұхиттардан кейінгі бесінші жаһандық мұхит – Оңтүстік мұхитты ресми түрде жариялады, деп хабарлайды National Geographic. Бұл...

Бір адам мерт болды: жамбылдық азамат өзіне оқ атқандарды көлігімен қуған

Жамбыл облысында ер адам өзіне оқ атқандардың артынан көлікпен қуып, жол апатын жасады. Бір адам қаза болды. 9 маусым күні кешке Меркі аудандық полиция бөліміне...

Түркістан облысында көшеде қару ұстап жүрген ер адам ұсталды

Түркістан облысында көшеде жүрген ер адамнан қару табылды. Оқиға Келес ауданында болған. Аудандық полиция бөлімінің жедел уәкілі Рамазан Шалқар «Қару» рейді аясындағы кезекшілігі барысында автотұрақтардың...

Арман Оспанов АҚШ-тағы жекпе-жегінде нокаутқа түсіп қалды

Аралас жекпе-жектен қазақстандық файтер Арман Оспанов (11-4) Professional Fighters League (PFL) лигасындағы дебютінде жеңілді. Америкалық Крис Уэйд (19-6) «Сұңқарды» нокаутқа түсірді, – деп хабарлайды...

«7-20-25» және «Баспана хит» бағдарламалары қашан аяқталады – Ұлттық банк жауабы

Ұлттық банк төрағасының орынбасары Берік Шолпанқұлов «7-20-25» және «Баспана хит» тұрғын үй бағдарламаларының аяқталу мерзімі туралы айтты. Қазіргі уақытта Қазақстанның Ұлттық банкі екі ипотекалық тұрғын...

«Хабар» телеарнасы Қасым-Жомарт Тоқаев туралы деректі фильм ұсынады

«Хабар» агенттігі Қазақстан Республикасының Президенті - Қасым-Жомарт Кемелұлы Тоқаев туралы «Преодоление» атты екі бөлімнен тұратын деректі фильм ұсынады. Фильмде Тәуелсіз Қазақстанның екінші Президентінің жеке тұлға...

«Жастар – Отанға!»: бес бағытты қамтитын 216 Жол картасы бекітілді

«Nur Otan» партиясы аймақтық филиалдары Саяси кеңесі Бюросының шешімімен «Жастар-Отанға!» бағдарламасын іске асыру бойынша еліміздің әрбір аудан, қала және облысы үшін 216 Жол картасы...

Токио Олимпиадасы: Қазақстан қоржынында 63 жолдама бар

Көркем гимнастикадан Ташкентте өтіп жатқан лицензиялық Азия чемпионатында қазақстандық Алина Әділханов чемпион атанып, Токио Олимпиадасына жолдама алды. ҚР Ұлттық Олимпиада комитетінің мәліметінше, Алина Әділханова көпсайыс...

Коронавирус: елімізде 12 науқас қайтыс болды, 521-інің жағдайы ауыр

ҚР Денсаулық сақтау министрлігі коронавирус инфекциясына шалдыққан науқастар туралы мәлімет ұсынды. 11 маусымдағы жағдай бойынша, елімізде коронавирус инфекциясынан 21 951 адам (20 890 КВИ+ және...

Бұл елге бұрын-соңды болмаған ашаршылық қаупі төніп тұр – БҰҰ

Біріккен Ұлттар Ұйымы (БҰҰ) Эфиопия аймағының тұрғындары соңғы онжылдықта бұрын-соңды болмаған аштыққа ұшырауы мүмкін екенін ескертті. Ұйымның жаңа баяндамасында Эфиопиялық Тыграй аймағының әскери қақтығысынан зардап...

БҚО-да екі жігіт жолай өтіп бара жатқан әйелді орманға апарып зорлаған

Батыс Қазақстан облысында әйел зорлады деген күдікпен екі азамат ұсталды. БҚО полиция департаментінің ресми өкілі Болатбек Белгібековтің мәліметінше, оқиға Оралда саяжайлардың бірінің маңындағы орманда болған. Кешкі...

11 маусым: ел тарихындағы маңызды оқиғалар

1918 жылы Алаш Орда үкіметі Совет үкіметінің Қазақстан аумағындағы барлық декреттерінің күшін жойып, заңсыз деп жариялады. Бұл туралы Алаш Орда үкіметінің арнайы қаулысы қабылданды. «Алаш...

Бүгін еліміздің басым бөлігінде жаңбыр жауып, жел тұрады

«Қазгидрометтің» мәліметінше, Қазақстан территориясының басым бөлігінде атмосфералық фронттарға байланысты құбылмалы, тұрақсыз ауа райы сақталады. Еліміздің оңтүстік-шығысында, таулы аудандарда қатты жаңбыр жауады. Республиканың кей жерлерінде дауыл тұрып,...

Түркістан тауларында тағы төрт турист адасып кеткен

Полицейлер мен құтқарушылар Түркістан облысы тауларында жоғалып кеткен төрт туристі тапты, деп хабарлайды sputnik.kz. Сайрам-Өгем шатқалында төрт адамның жоғалғаны туралы хабарлама полицияға 7 маусымда түскен....

Түркістан қаласының жаңа әкімі тағайындалды

Түркістан облысы Ордабасы ауданының бұрынғы әкімі Нұрбол Тұрашбеков Түркістан қаласының әкімі болып тағайындалды, - деп хабарлайды Түркістан облысы әкімінің баспасөз қызметі. "Түркістан облысы әкімі Өмірзақ...

Ләззат ҚАЛТАЕВА: Мүмкіндігі шектеулі азаматтардың құқығына жіті мән берілгені өте маңызды

Соңғы кезде қоғамда халықтың белсенділігі жоғарылағаны, қоғамдық-әлеуметтік мәселелерді талқылау, пікір білдіру үрдісі жиілегені байқалады.      Белгілі бір әлеуметтік мәселе бойынша ғана емес, жалпы адамға,...

QazVac ДДСҰ ұсынатын медикаменттер тізіміне кіреді

QazVac Дүниежүзілік денсаулық сақтау ұйымы ұсынатын медикаменттер тізіміне кіреді. Бұл туралы Шетелдік инвесторлар кеңесінің 33-жалпы отырысында ҚР Президенті Қасым-Жомарт Тоқаев айтты. «Қазақстан өзінің ғылыми әлеуетінің...

Алматыда қыз ұрламақ болғандар ұсталды (видео)

Желіде қызды көлікке отырғызып, ұрлап әкетпек болғандардың әрекеті түсірілген видео жарияланды. Видеода қыздың айғайлап, жылап жатқанын көруге болады. Жазба авторы оқиға Алматыдағы «Армада» сауда кешенінің...

Ақтөбеде жоғары шенді полицей ұсталды

Ақтөбеде полиция департаменті тергеу басқармасының басшысы ұсталды. Полковник Евгений Годлевский ірі көлемде пара алды деген күдікке ілінді, – деп хабарлады КТК телеарнасы. Телеарна мәліметінше, жоғары...

Жылқының жаппай қырылуы: министр әкімдіктерді кінәлап отыр

Ауыл шаруашылығы министрі Сапархан Омаров Маңғыстау облысында жем-шөп аз болу себебінен жылқының жаппай қырылуына қатысты түсінік берді, – деп жазды Tengrinews.kz. Ауыл шаруашылығы министріне Маңғыстау облысында...

Нұрлан Нығматулин: Жаңа заң жобасы мүмкіндігі шектеулі жандардың өмірін жеңілдетеді

Бүгін Мәжілістің жалпы отырысында азаматтардың жекелеген санаттарын әлеуметтік қорғау мәселелері бойынша заңнамалық түзетулерді бірінші оқылымда талқылау кезінде Палата Спикері Нұрлан Нығматулин мемлекеттік қызметтердің, ең...

Парламент заң қабылдады: Кәсіпкерлер жеңілдіктерге ие болады

Кәсіпкерлік кодексте ресми түрде "Әлеуметтік кәсіпкерлік" деген тарау пайда болады. Бұл заңды Сенат қабылдады. Жаңа тарауда кәсіпкерліктің қандай түрін әлеуметтік деп аталатыны, бұл мәртебені қалай...

Ухнаагийн Хүрэлсүх Моңғолияның Президент сайлауында жеңіске жетті

Моңғолияның бұрыңғы Премьер-министрі Ухнаагийн Хүрэлсүх 9 маусымда өткен президент сайлауында жеңіске жетті, - деп хабарлайды kaznews.mn порталы. Моңғолияның президент сайлауына Моңғол Халық (республикашыл) партиясы атын...

Қ.Ясауи атындағы ХҚТУ-да TÚRKISTAN газеті жинағының таныстырылымы өтті

Түркістан қаласындағы Қожа Ахмет Ясауи атындағы Халықаралық қазақ-түрік университетінде TÚRKISTAN газеті жинағының таныстырылымы өтті. Биыл Халықаралық қазақ-түрік университетінің 30 жылдық мерейтойы. Айтулы дата қарсаңында...

Карантин бұзғандарға қатысты жаңа ереже күшіне енді

Бүгіннен бастап коронавируспен ауырғандар және науқастармен байланыста болғандар карантин режимін бұзса 87 мың теңге айыппұл төлейді. Бұл туралы Нұр-Сұлтан қаласының бас мемлекеттік санитар дәрігері...

12 жастағы қызды зорлады деген айыпталушы ақталып шықты

Ақмола облысының қылмыстық істер жөніндегі мамандандырылған ауданаралық соты 12 жастағы қызды зорлады деген күдікке ілінген айыпталушыны ақтады, - деп жазды Tengrinews.kz. Бұл туралы ақпарат "НеМолчи"...

Алакөлге қатынайтын пойыз бағыттары мен билет бағасы белгіленді

Бүгінде Алакөлге бірнеше өңірден пойыздар қатынайды. Соның бірі «Нұр-Сұлтан-Достық» бағыты, ал 20 маусымнан бастап осы бағытта тағы бір қосымша пойыз қатынай бастайды. «Ал Алматыдан 18...

Түркістан іргесіндегі іргелі бақ түркі жұртының ырысты мекеніне айнала ма?

Түркістанның іргесіндегі Ескі Ихан ауылы – ежелден алма бағымен даңқы алысқа кетіп жатқан құтты ме­кен. Қазір бағбандардың алма, алша, жү­зім, өрік, алмұрт бағы жеміс...

Бағы жанған Бьернсон

Әрине, бүгінгі күннің көзқарасы тұрғысынан қарап Нобель сыйлығының үшінші лауреаты норвегтердің ұлттық мақтанышына айналған суреткері Бьернстано Бьернсонның шығармашылығына түрлі баға беруге қақымыз бар. Иә,...

Шымкент кәсіпорындары «Еңбек» бағдарламасының шарапатын көреді

Шымкент қалалық Халықты жұ­мыс­пен қамту орталығы қала аума­ғын­да орналасқан «Оңтүстік» арнайы экономикалық аймағының басқару­шы компаниясы» АҚ және аталған ай­мақтың резиденті AZALA Textile ЖШС-мен жұмыссыз...

Хайп қуған қыз: зират басында TikTok түсіргені үшін ауруханаға түскен бе?

Бейіт басында TikTok түсіріп, елдің ашуын туғызған тараздық бойжеткен танымал болу үшін енді ойдан оқиға құрастырған, – деп хабарлайды «Информбюро». Ол мазарлардың жанында түсірілген бейнежазбасы...

Отандық университет әлемдік рейтингте өз орнын нығайтты

Қазақстанның жетекші университеті Әл-Фараби атындағы ҚазҰУ QS WUR рейтингінде топ-200-ге кіріп, әлемнің үздік университеттері арасында кезекті рет көшбасшылық позициясын танытты. Посткеңестік елдерден бұл топқа...

Ақтөбеде ауыл клубы өртеніп кетті

Ақтөбе облысы, Шалқар ауданы, Қотыртас ауылында клуб өртеніп кетті. Ақтөбе облыстық төтенше жағдайлар департаменті оқиғаның мән-жайын баяндап берді. 9 маусым күні сағат 18:37-де Шалқар ауданы,...

Қазақтан шыққан тұңғыш сумошы – Сүйініш Казафузан

Әлемде 50-ден астам күрес түрі бар. Соның бі­рі – жапонның сумо күресі. Тарихы терең саму­рай­лық күрес – қазір әлемге кең танылған дәс­түрлі спорттың бірі....

Тәуелсіздік күнтізбесі

1995 жылғы 12 маусымда Елбасы Н.Назарбаев Алматыда Түркия Рес­публикасының Президенті С.Демирелді қабылдады. 1996 жылғы 13-15 маусымда ҚР басшылығының шақыруы бойынша Ислам Даму Банкінің (ИДБ) президенті...

Тәуелсіздіктің бір мұраты – терминдердің төл тілімізде түрленуі

Бүгінде елімізде тіл мәселесі ту­ралы айтар болсақ, ең алдымен оның мәртебесі мен қолданылу аясы Ата заңымызбен бекітілген. Яғни бәрі­міз­ге белгілі, Қазақстан Республикасы Конституциясының жетінші...

Ақтоты РАЙЫМҚҰЛОВА: Біздің мәдениетіміз әлемдік бәсекеге қабілетті

Биыл 30 жылға толып отырған қастерлі Тәуелсіздігіміздің тари­хына көз салсақ, алтын әріппен жазылатын жетістіктеріміз, қуанышты әрі жеңісті күндеріміз мол. Әсіресе, спорт пен туризм са­лаларын...

Баспана бағасы бағдарламаға көне ме?

Урбанизация процесі қалаға ағылған халықты бірнеше шаршы метрге тәуелді етті. Жағдайы жеткендер қораптай қаланған үйлерден жайлы орын тауып, жетпегендер жалдамалы пәтерді жағалап жүр. Десек...

Оралда ер адам велосипедтен құлап, көз жұмды

БҚО полиция департаментінің мәліметінше, оқиға 10 маусым күні таңда болған. «Шамамен таңғы сағат 07.00-де велосипедпен келе жатқан 62 жастағы ер адам құлап, мерт болды. Оның...