5228
Әлемде коронавирус жұқтырудың рекордтық көрсеткіші тіркелді
Әлемде коронавирус жұқтырудың рекордтық көрсеткіші тіркелді
Әлемде соңғы тәулікте коронавирус жұқтырудың 338 779 жаңа жағдайы анықталған. Бұл – пандемия басталғалы тіркелген рекордтық көрсеткіш, – деп жазды ҚазАқпарат Toppress.kz порталына сілтеме жасап.
Инфекцияға шалдыққандардың жалпы саны 36 002 827 адамға жетті.
Сондай-ақ соңғы тәулікте әлем бойынша COVID-19 вирусынан кем дегенде 5514 науқас көз жұмған. Коронавирустан қайтыс болғандардың жалпы саны – 1 049 810.
Еске сала кетейік, бір күн бұрын ДДСҰ коронавирус жұқтырудың 271 421 жаңа жағдайы тіркелгенін және 4427 пациент COVID-19 вирусынан қайтыс болғаны туралы хабарлаған еді.
