Серік Негимов: Ұлы ойшылдың кемеңгерлігі кеңінен толғап жазылған

– Абайдың сөзінің астарын ұғу үшін ең алдымен сол Абайдың жандү­ние­сіндегі запыранды, сезімнің буыр­қанысын өз жүрегіңнен өткізе білуің ке­рек. Жетеміз жетер, не жетпес, тіпті ол біздің мақсатымыз да емес. Мұрат – Абайды түсіну. Елбасы Нұрсұлтан Назарбаевтың «Абай аманаты» атты мақаласында ұлы ойшылдың құнды идеялары, да­ралығы мен кемеңгерлігі кеңінен тол­ғап жазылған. Мақала еліміздің ру­­хани жаңғыруына, болаш­а­ғы­мыз­дың жарқын болуына, өркендеп-өсуі­мізге негіз болатын салмақты тұ­жы­рым­­дармен ерекшеленеді. Бұдан бұрын жарық көрген ма­қа­ла­сында Елбасы «Абайдың сөзі – қа­зақ­тың бойтұмары. Абайдың мұрасы – ең асыл қазынасы. Заманалар ауысып, дү­ние дидары өзгерсе де халқымыздың Абайға көңілі айнымайды. Қайта уа­қыт өткен сайын оның ұлылығының тың қырларын ашып, жаңа сырларына қаныға түседі. Абай өзінің туған хал­қымен мәңгі бақи бірге жасайды. Ға­сырлар бойы қалың елін, қазағын жаңа биіктерге, асқар асуларға шақы­ра береді» деген еді. Бүгінгі мақала осы сөздерді одан әрі дәйектей түскендей. Осыдан 25 жыл бұрын ЮНЕСКО кө­лемінде дүркіреп өткен Абайдың 150 жылдық тойының өтуіне Елба­сының септігі болғанын білеміз. Биыл әлем­дік індетке тұспа-тұс келіп отыр­ған ұлы ойшылдың 175 жылдық мерейтойы елеп-ескерусіз қалған жоқ. Абай – ұлттық ар-ожданымыз. Әр қазақтың жүрегінде өз Абайының бейнесі сақталуы тиіс.  

Серіктес жаңалықтары