Сәбит Досанов: «Абай аманаты» – адастырмайтын ақ жұлдыз

– Елбасы Н.Назарбаевтың «Абай ама­наты» атты мақаласы көлемімен ғана емес, өзінің көтерген жүгімен де салмақты. Мақаланың «Абай ама­на­ты» деп аты да дұрыс қойылған, өйт­кені мақалада айтылған сөздер бо­лашаққа арналған аманат. Ел­ба­сы­ның «Абай аманаты» мақаласы мен Мемлекет басшысы Қ.Тоқаевтың «Абай және ХХІ ғасырдағы Қа­зақ­стан» атты мақаласы бірімен-бірі үн­­десіп тұр. Елбасының бұрын жа­рық көрген «Ұлы даланың жеті қы­ры» атты бағдарламалық мақаласы әлі елдің есінде. Елбасының «Абай ама­наты» да бағдарламалық мақала, жас­тар бағдарлама ретінде қабыл­даса адаспаймыз. Өйткені бұл бағ­дар­лама болуға лайықты мақала, адас­тырмайтын ақ жұлдыз. Халық ара­сына кеңінен насихатталуы керек мақала. Маған осы мақаланы же­ке кітапша етіп шығарса болады екен ғой деген жақсы ой келіп тұр. Жо­ғарыда атаған Н.Назарбаевтың «Ұлы даланың жеті қыры», «Абай аманаты» мақаласы мен Қ.Тоқаевтың «Абай және ХХІ ғасырдағы Қазақ­стан» атты үш мақаланы біріктіріп те кітап етіп шығарса болар еді. Абай­дың айтар ойы осылай кітапша түрінде насихатталса, адамдар бір-біріне сыйға тартса қандай керемет. Өйткені аты мақала болғанымен, үш мақаланың әрқайсысы бір-бір мо­нографияның жүгін көтеріп тұрған еңбектер. Осы үш мақала халыққа бағ­даршам болса, біз адаспаймыз. Қазақ Абайдың жолымен жүрсе адас­пайды, Абайдың айтқанын істесек біз мақсатымызға жетеміз, мем­ле­кет те гүлденеді.  

Серіктес жаңалықтары