Праймериз-2020: кандидаттардың 45% – бизнес өкілдері

Праймеризден өткен кандидаттардың 45% – бизнес құрылымдардың өкілдері. Бұл ретте үкіметтік емес ұйымдар мен этномәдени бірлестіктердің қатысушылары да шетте қалған жоқ.

Бұл туралы Алматы қаласының әкімі, «Nur Otan» партиясы Алматы қалалық филиалының төрағасы Б.Сағынтаев «Nur Otan» партиясы аудандық филиалдарының төрағаларымен және көп дауыс жинаған праймериздің белсенді қатысушыларымен өткен онлайн-кездесуде айтты.

Ішкі партиялық сайлауды талқылауға арналған онлайн басқосуда Бақытжан Сағынтаев Алматыда төрт күндік дауыс беруге 43 008 нұротандық қатысқанын, бұл Алматыдағы партия мүшелері жалпы санының 73 пайызын құрайтынын атап өтті. Партияішілік іріктеу идеясы көпшіліктің қызығушылығын тудырды, өйткені тіркелген кандидаттардың 54% – өзін-өзі ұсынған, ал 46% – мегаполистің сегіз ауданында орналасқан бастауыш партия ұйымдары ұсынған. Кандидаттардың жас аралығын ерекше атап өту керек. Қалалық филиал төрағасының бірінші орынбасары Станислав Канкуровтың айтуынша, праймериздің ең жас қатысушысы 20 жастағы шахматшы, халықаралық шебер және әйелдер арасындағы гроссмейстер Жансая Әбдімәлік болса, ең үлкен қатысушы – 69 жаста. Алматыдағы праймериздің басты айырмашылығы – медиа тұлғалардың көп қатысуы. Олардың ішінде белгілі журналист Сергей Пономарев, блогер Мейіржан Төребаев, Қазақстанның еңбек сіңірген қайраткері Жәмиля Серкебаева, тележүргізуші Қарагөз Сүлейменова, дизайнер Аида Кауменова, паралимпиадашы Серік Есматов және т.б. бар. «Праймеризге 50-ге жуық жаңа тұлғалар қатысты, оның ішінде 25 әйел және 35 жасқа дейінгі 16 жас адам. Бұл өте жақсы нәтиже деп есептеймін, себебі партияішілік іріктеудің өзі әуел бастан партияны жаңартуды көздеген», – деп атап өтті С.Канкуров. Осылайша, праймеризді өткізу нәтижесінде Алматы бойынша кандидаттардың орташа жасы 43 жасты құрады, ал қазіргі қызметтегі депутаттар арасында орташа жас – 52 жас. Егер кандидаттардың кәсіби саласы туралы айтатын болсақ, онда Алматының шағын және орта бизнес субъектілері өкілдерінің саны бойынша көшбасшылығын ескеру қажет. Праймеризден өткен кандидаттардың 45% – бизнес құрылымдардың өкілдері. Бұл ретте үкіметтік емес ұйымдар мен этномәдени бірлестіктердің қатысушылары да шетте қалған жоқ. Естеріңізге салсақ, үгіт-насихат жұмыстарының барлық кезеңінде праймериз кандидаттарымен-партияластармен 5 мыңға жуық кездесу өткізілді, 40-тан астам дебаттық турнирлер өткізілді, қатысушылармен кездесулер аясында 150 мыңнан астам адам қамтылды. Алматыдағы праймериздің ерекшелігі әрбір алматылық үміткерлерге сұрақ қоя алады, ол үміткерлердің де, партияның аудандық филиалдарының да ресми аккаунттарында хабарлама қалдыру арқылы жүзеге асты. Сонымен қатар, үгіт-насихат іс-шаралары барысында кандидаттар мен «Nur Otan» партиясы Алматы қалалық филиалына қалалықтардан әлеуметтік мәселелер, көлік, экономика, азаматтық қоғам, құқық қорғау жүйесі, экология, ТКШ мәселелері бойынша 800-ден астам жаза мен ұсыныс келіп түсті. Оның 200-ден астамы Алматы қалалық филиалының алдағы 5 жылға арналған сайлауалды бағдарламасының жобасына енгізілді.  

Серіктес жаңалықтары