206
АҚШ 2,5 мың әскерін Ирак аумағынан шығарды
АҚШ 2,5 мың әскерін Ирак аумағынан шығарды
АҚШ-тың 2,5 мың әскері Ирак аумағынан шығарылды. Бұл туралы Ирак үкіметінің басшысы Мустафа аль-Казыми мәлімдеді, деп хабарлайды «Анадолы» агенттігі.
«Бұған дейін АҚШ тарапымен әскерлерін елден шығару бойынша келісім жасасқан болатынбыз. Соның негізінде 2500 америкалық әскери қызметші Ирактан шығарылды», - деді премьер-министр.
Еске сала кетейік, АҚШ президенті Дональд Трамп биылғы жылдың 20 тамызында Ақ үйде Ирак премьер-министрі Мустафа аль-Казымимен кездесу өткізіп, әскерді ел территориясынан шығару процесі жақын арада аяқталатынын айтқан еді.
