284
Праймериз: 643 елдімекенде қағаз бюллетень арқылы 82 552 адам дауыс берді
Праймериз: 643 елдімекенде қағаз бюллетень арқылы 82 552 адам дауыс берді
Кеше, 3 қазанда 08:00-ден 14:00-ге дейін интернетке қосылу мүмкіндігі жоқ 643 елді мекенде қағаз бюллетеньдер бойынша дауыс беру өтті. Бұл туралы «Nur Otan» партиясының хатшысы Әлібек Әлденей Facebook-тегі парақшасында мәлімдеді.
"Бұл елді мекендер республикалық деңгейдегі қалаларды қоспағанда еліміздің барлық өңірлеріндегі шалғай аудандарда орналасқан. Бұл «Nur Otan» партиясының барлық мүшелерінің сайлау құқығын іске асыру үшін жасалған.
Жалпы, бюллетень бойынша 82 552 адам дауыс берді.
Ол үшін арнайы сайлау учаскелері ашылды. Учаскелерде кандидаттардың сенімді өкілдері – бақылаушылар жұмыс істеді. Аймақтың Ұйымдастыру комитеттерінің мәліметі бойынша дауыс беру Праймериз өткізу ережелерін бұзбай және барлық санитарлық нормаларды қатаң сақтай отырып өтті.
Тиісті учаскелік есеп комиссияларының өкілдері есептеу жүргізді. 3 қазан күнгі сағат 20.00-де барлық бюллетеньдер мен дауыс беру нәтижелері партияның аудандық филиалдарына жеткізілді.
Аймақтық есеп комиссиялары тарапынан бюллетеньдердің хаттама мәліметтеріне сәйкестігін тексерілді. Барлық материалдар Орталық аппаратқа верификация жасау үшін жіберілді. Әр бюллетеньде арнайы қорғаныс маркері бар.
Қазір бюллетендер бойынша дауыс беру нәтижелерін «Праймериз» ақпараттық жүйесіне енгізу жұмыстары аяқталуда.
Деректерді жаңарту жақын арада бір мезетте жүзеге асырылады.
Естеріңізге сала кетейін, https://vote.primaries.kz веб-сайты және мобильді қосымша арқылы онлайн дауыс беру мерзімі тура бір тәулікке, яғни 4 қазан күнгі сағат 14:00-де дейін ұзартылған", - деп жазды партия хатшысы.
