Жол ережесін бұзған шенеунік жауапқа тартылды

Өскемен қаласының әкімі Жақсылық Омар қарамағындағы қызметкердің жол ережесін бұзғаны үшін жазаға тартылғанын айтты.

«Кеше әлеуметтік желіде Өскемен тұрғыны жариялаған видео тарады. Видеода қалалық тұрғын үй-коммуналдық шаруашылық бөлімінің автокөлігі Нұрсұлтан Назарбаев даңғылындағы тұрғын үйдің ауласындағы көліктердің жолын бөгеп тұрғаны көрсетілген. Сол көлік тізгінінде аталған бөлім басшысы Еркін Тұраров болған», – деп жазды әкім Instagram -дағы парақшасында.

Қала басшысының айтуынша, ТҮКШ бөлімінің басшысы көлікті ауладағы тұрақтан шығарып, полицияның келуін күтті.

«Оған қатысты әкімшілік хаттама толтырылды. Сондай-ақ бөлім басшысына жол қозғалысы ережелерін бұзбау және мемлекеттік қызметшілердің этикасын сақтау қажеттігі жайлы түсіндірілді», – дейді Жақсылық Омар.

Ұқсас жаңалықтар

Back to top button