Партиялықтар елордадағы мұқтаж отбасыларға көмектесті
«Nur Otan» партиясының елордалық «Бiрлiк» филиалы қызметкерлері мен қала белсенділері пандемия салдарынан қиын жағдайға тап болған жергілікті тұрғындарға әлеуметтік көмек көрсетті.
Үш көпбалалы отбасы мен мүмкіндігі шектеулі балаларға дәрі-дәрмек,қорғаныс құралдары салынған қорапшалар, тұрмыстық заттар толтырылған себепттер, сондай-ақ кеңсе тауарлары мен тәттілер табысталды.
«Аталған тауарларды сатып алуға қол ұшын берген барлық азаматтарға алғысымызды айтамыз», – деді «Бipлiк» филиалы төрағасының бірінші орынбасары Шыңғысхан Қожахметов.
Алдағы уақытта көмекке мұқтаж жандарға тағы 7 медициналық қорапша жеткізу жоспарланған.
