Науқастар алаңдаушылық пен пессимизмге бой алдырмауы керек – Президент

Адамның жақсы физикалық және рухани жағдайы оның індеттен тез емделуіне ықпал етеді.Бұл туралы Мемлекет басшысы коронавирустық инфекцияның таралуына қарсы іс-қимыл шаралары жөніндегі кеңесте айтты.  "Иә, бұл қауіпті ауру, оған қарсы үшін вакцина жоқ. Бірақ бұл жағдайда үрейге, оның үстіне, құқыққа қайшы әрекеттерге жол бермеуге, дәрігерлерді балағаттауға және санитарлық режимді бұзбаған жөн. Науқастар алаңдаушылық пен пессимизмге бой алдырмауы керек. Емделумен қатар, адамның жақсы физикалық және рухани жағдайы оның тез емделуіне ықпал етеді. Денсаулық сақтау министрлігі мен санитарлық дәрігерлердің ұсынымдары мен талаптарын қатаң сақтау қажет. Біздің барлық күш-жігеріміз еліміздің басты байлығы-Қазақстан Республикасы азаматтарының өмірі мен денсаулығын сақтауға бағытталған", деді Президент. Айта кетейік, бұған дейін Президент үш әкімге сөгіс жариялағанын хабарлағанбыз. Сондай-ақ, Мемлекет басшысы әкімдер мен министрлердің халықтың арыз-шағымына дер кезінде жауап бермейтінін сынға алды.

Серіктес жаңалықтары