Маусымда елордаға жауын-шашынның үш айлық нормасы жауды

Маусым айында Нұр-Сұлтан қаласына жауын-шашынның үш айлық нормасы жауды. Бұл туралы Нұр-Сұлтан қалалық әкімдігінің Facebook парақшасында жарияланған ақпаратта айтылған. «Маусымның 1-і мен 27-сі аралығында елордаға 96 мм жаңбыр жауды. Бұл үш айлық нормамен пара-пар. Ал кеше, 27 маусымда 1 тәуліктің үшінде 39 мм жауын жауды. Ал бір айлық норма 37 мм құрайды», - делінген таратылған ақпаратта. «Қазгидромет» мәліметінше, шілде айында елордада +23+33 градус ыстық болады. Дегенмен, ай бойы қысқа уақытқа күн салқындап отырады. Жаңбыр жауып, ұйытқып жел соғады. Түнде +7+12, ал күндіз +17+23 градусқа дейін ауа температурасы төмендейді.  

Серіктес жаңалықтары