Қырғызстаннан әкелінген көліктерді заңдастыруға бола ма – ІІМ жауап берді

Бұл сұраққа ОКҚ-да өткен баспасөз мәслихатында ҚР ІІМ Әкімшілік полиция комитеті төрағасының орынбасары Серік Түсіпов жауап берді. ҚазАқпараттың жазуынша, маман: «Екі елден әкелінетін (Қырғызстан мен Армения) көліктер екі түрлі санатқа жатады. Үкіметтің қаулысында тіркеуге жататын көлік құралдарының санаты нақты көрсетілген. Ал Қырғызстаннан әкелінген автокөліктер заңдастыруға жатпайды. Себебі шетелдік азаматтардың атына тіркелген көліктер халықаралық қозғалыс режиміне жатады», – деп жауап берген.