345
Алматыда халыққа қызмет көрсету орталықтарының жұмыс істеу форматы өзгерді
Алматыда халыққа қызмет көрсету орталықтарының жұмыс істеу форматы өзгерді
Халыққа қызмет көрсету орталықтарында азаматтардың шоғырлануын болдырмау, жұқтыру қаупін азайту және адамдардың уақытын үнемдеу үшін енді ХҚКО жаңа форматта жұмыс істейтін болады, деп хабарлады zakon.kz.
Өзгерістер ХҚКО-да көрсетілетін мемлекеттік қызмет түрлеріне де, оларды ұсыну форматына да қатысты.
Енді ХҚКО-да қазақстандықтар электрондық форматта қолжетімсіз қызмет түрлерін, мысалы, жеке куәлік немесе паспортты ауыстыру, зейнетақы төлемдерін тағайындау тағы басқалары қағаз түрінде алатын болады. Сонымен қатар, алдын ала egov.kz порталы арқылы рәсімделген құжаттарды ала алады.
ХҚКО-на тек 1414 нөмірі бойынша немесе арнайы сервис арқылы кезекке алдын ала жазылу арқылы ғана баруға болады. Енді электрондық үкімет қызметтері ХҚКО-да емес, интернет бар жерде көрсетіледі. ЭЦҚ-ны eGov.kz арқылы алуға болады. Мемлекеттік қызмет көрсетудің жаңа форматына көшу бойынша атқарылған жұмыстар: Бірқатар фронт-кеңсе жаңа форматқа жаңартылды. Онда call-орталықтар мен бейне қоңыраулар қабылдау орталықтары орналасқан және қайта жабдықталған.
169 жұмыс орны ұйымдастырылды. Байланыс орталығының 50 операторы және 119 бейне қоңырау операторлары орналастырылды.
Электрондық мемлекеттік қызметтерді үйден шықпай алу мүмкіндігі жоқ азаматтар үшін 48 жұмыс орнына операторсыз 2 цифрлық ХҚКО ұйымдастырылған, онда көрсетілетін қызметті алушыларға құжаттарды басып шығару және порталға тегін негізде кіру мүмкіндігінсіз ұйымдастыру техникасы (веб-камералармен және гарнитурамен жабдықталған ДК) ұсынылатын болады.
ХҚКО-да жеңілдетілген терезе жұмыс істейді. Азаматтардың үш санаты ХҚКО-да жеңілдетілген электронды қызмет ала алады. Бұл - зейнеткерлер, көпбалалы отбасылар,мүмкіндігі шектеулі адамдар. Олар үшін әрбір кеңседе жеңілдетілген терезе жұмыс істейтін болады. Сондай-ақ, олар ХҚКО-ға баруды алдын ала брондау қажет, алайда олар жеке кезек бойынша өтеді.
"Ал электронды форматта қолжетімсіз қағаз түріндегі қызметтер клиенттері үшін (мысалы, жеке куәлікті, паспортты ауыстыру, зейнетақы төлемдерін тағайындау), сондай-ақ, egov.kz порталында алдын ала рәсімделген қызметтердің нәтижелері, барлық ХҚКО-нан алуға болады. Біз барлықтарыңызды электрондық форматта мемлекеттік қызметтерді алуға шақырамыз. Порталда ресімдеуге болатын барлық нәрсені онлайн-тәсілмен ресімдеуіңізді өтінеміз. Онлайн қызметтерді жылдам және ыңғайлы түрде алу үшін азаматтар 1414 нөмірі бойынша жүгіне алады, онда оларға біздің операторлар кеңес береді. Кезекті тіркелген клиенттер көрсетілген уақытта келуі тиіс, өйткені егер уақыты өтіп кетсе, олар қайтадан тіркелулері қажет болады. Сонымен қатар, ЖСН арқылы рәсімделген азамат ғана тіркеле алады. ХҚКО-да қызмет алдын ала жазылусыз көрсетілмейтінін тағы да атап өткім келеді. Осының барлығы Халыққа қызмет көрсету орталықтарында азаматтардың жиналуын болдырмау, жұқтыру қаупін азайту және адамдардың уақытын үнемдеу үшін", - дейді Алматы қаласы бойынша "Азаматтарға арналған үкімет" МК КЕАҚ филиалының директоры Данияр Кирікбаев.
