Бүгін, 30 наурыз – қасиетті Рамазан айының аяқталып, Ораза айттың басталған күні. Бұл күн – мұсылмандар үшін үлкен мейрам, жақсылық пен мейірімге толы сәт. Ораза айтта адамдар бір-біріне жақсы тілектер айтып, қайырымдылық жасап, қуанышпен бөлісуі керек.
Ораза айтта не істеуге болады?
– Айт намазын оқу – таңертең мешітке барып, айт намазын оқу – бұл күннің ең маңызды амалдарының бірі;
– Туыстар мен жақындарға қонаққа бару – ата-ана, туған-туыстар, көрші-қолаңмен кездесіп, айт мерекесімен құттықтау – сауапты іс;
– Қайырымдылық жасау – жетім-жесірлерге, мұқтаж жандарға көмек көрсету, садақа беру – Ораза айттың басты құндылықтарының бірі;
– Таза әрі әдемі киіну – бұл күнде мұсылмандар таза, әдемі киім киіп, мейрамды ерекше көңіл күймен қарсы алуы керек;
– Кешірімді болу – ренжіскен адамдар татуласып, бір-бірін кешіруі маңызды.
Ораза айтта не істеуге болмайды?
– Біреуді ренжіту, ұрыс-керіс – айт күні адамдарға тек жылы сөздер айтып, бір-біріне құрмет көрсету қажет;
– Тым артық ысырап жасау – дастархан жаю – дәстүріміз, бірақ шектен тыс ысыраптан аулақ болу керек;
– Жаман сөз айту, ғайбат сөйлеу – бұл күн тек жақсы ойлар мен игі істерге арналуға тиіс;
– Ораза ұстау – айт күні ораза ұстауға болмайды, өйткені бұл күн – мереке.
Ораза айт – қуаныш пен мейірімділік мейрамы. Бұл күні әр адам жақындарына жылулық сыйлап, сауапты істер атқаруға тырысуы керек.
