446 мың теңге: Еліміздегі ең жоғары зейнетақыны кім алады?
446 мың теңге: Еліміздегі ең жоғары зейнетақыны кім алады?
Бірыңғай жинақтаушы зейнетақы қорынан төленетін ай сайынғы ең жоғары төлем – 446 794 теңге. Бұл туралы аталған қордың баспасөз қызметі хабарлады.
БЖЗҚ мәліметіне сүйенсек, 2020 жылдың алғашқы айында 146 мыңнан астам алушы үшін зейнетақы төлемдері мен сақтандыру ұйымдарына жасалған аударымдар 17,9 млрд теңгені құрады. Оның ішінде зейнет жасына толуға байланысты – 7,4 млрд, Қазақстаннан шетелге тұрақты тұруға кетуге байланысты – 4,8 млрд теңге, сақтандыру ұйымдарына жасалған аударымдар – 2,6 млрд теңге, мұрагерлік бойынша – 2,5 млрд теңге, жерлеуге байланысты – 311 млн теңге, мүгедектігі бар жандарға 200 млн теңге төленді.
«БЖЗҚ-дан зейнетақы төлемдерінің орташа сомасы 100 803 теңге болды. Бұл сомаға кесте бойынша төлемдер, сонымен қатар зейнет жасы, шетелге тұрақты тұруға кету, жерлеу, мүгедектік, мұрагерлік және сот шешімі бойынша біржолғы төлемдер кіреді. Ал кесте бойынша ай сайынғы зейнетақы төлемдерінің орташа сомасы – 21 810 теңгені ай сайынғы ең жоғары төлем 446 794 теңгені құрады»,- деп атап өтеді қордан.