باس پروكۋراتۋرا قازاقستاندىقتارعا ۇندەۋ جاسادى

قازاقستاننىڭ باس پروكۋراتۋراسى ەل تۇرعىندارىنا ۇندەۋ جاساپ، رۇقسات ەتىلمەگەن ءارتۇرلى ميتينگتەرگە قاتىسپاۋعا، وتكىزۋ ەرەجەلەرىن ساقتاۋعا شاقىردى. 

قۇزىرلى ورگان شەتەلدەگى ادامدار قازاقستان ازاماتتارىن زاڭسىز ميتينگىگە قاتىسۋعا ارانداتۋدى جالعاستىرىپ جاتقانىن ايتتى.

اتالعان ادامدار وسىنداي ارەكەتتەرىمەن ەلدىڭ زاڭىن بۇزىپ وتىرعانى اتاپ ءوتىلدى.

ۆەدومستۆو ميتينگكە رۇقسات الۋ ءۇشىن ازاماتتار اكىمدىككە الدىن-الا، دالىرەك 10 كۇن بۇرىن ءوتىنىش بەرۋى كەرەك ەكەنىن ەسكە سالدى.

سونىمەن قاتار، رۇقسات العانعا دەيىن ميتينگىگە قاتىسۋعا شاقىرۋعا نەمەسە ول تۋرالى اقپاراتتى تاراتۋعا تىيىم سالىناتىنىن اتاپ وتكەن ءجون.

سونىمەن، باس پروكۋراتۋرا 16 جەلتوقساندا بولجالدى ميتينگ ۇيىمداستىرۋشىلاردىڭ زاڭدى ورەسكەل بۇزاتىندىعىن اتاپ ءوتتى.

ەگەر بۇل ادامداردىڭ ءىس-ارەكەتتەرى ادام قۇقىقتارىنا ايتارلىقتاي زيان كەلتىرسە، ولار قىلمىستىق زاڭناماعا سايكەس جاۋاپكەرشىلىككە تارتىلاتىن بولادى.

اكىمشىلىك جانە قىلمىستىق-قۇقىقتىق شارالار وسىنداي اكتسيالاردى قولدايتىن ادامدارعا قاتىستى دا بىردەي دارەجەدە قولدانىلاتىن بولادى.

وسىعان بايلانىستى، باس پروكۋراتۋرا ارانداتۋشىلىق جاساماۋعا، قولدانىستاعى زاڭنامانى مۇلتىكسىز ساقتاۋعا جانە زاڭسىز ميتينگىلەرگە قاتىسۋدان باس تارتۋعا شاقىرادى.

ۇقساس جاڭالىقتار

Back to top button