10 Қыркүйек, 14:18 265 0 Экономика Анар ЛЕПЕСОВА

Табыс салығынан кімдер босатылады?

Елімізде табыс салығынан қандай кәсіпорындар және қандай мерзімде босатылады? Бұл сауалға бүгін үкімет отырысында Қаржы министрі Әлихан Смайылов жауап берді.

Мемлекет басшысы Қазақстан халқына жолдауында барлық шағын және орта бизнес кәсіпорындарын табыс салығынан босатуды тапсырғаны мәлім. Салықтық преференциялар қай кәсіпорындарға әсер етеді деген сұраққа министр салық заңнамасына сәйкес жеке кәсіпкерлер, 15 адамға дейін жалдамалы жұмыс жасайтын, жылдық кірісі 30 мың АЕК-ке дейін немесе жылына шамамен 76 миллион теңгені құрайтын заңды тұлғалар деп жауап берді.

Шағын бизнес дегеніміз – шамамен 300 адамды жұмыспен қамтыған кәсіпорындар, олардың жылдық шекті кірісі 300 мың АЕК-ке дейін, бұл шамамен жылына 757 млн.

«Бұл ұйымдар мен жеке ұйымдар табыс салығынан босатылады: бұл ЖТС және КТС. Жалпы, өткен жылы бюджетке микро және шағын бизнестен шамамен 190 миллиард теңге төленді. Тиісінше, егер біз осындай компаниялар мен жеке кәсіпкерлерді босататын болсақ, 2020 жылға бюджеттің шығыны 200 млрд. теңгеден асады. Бірақ біз бұл шығындарды салықтық және кедендік әкімшілендіруді жетілдіру арқылы толтыруды жоспарлап отырмыз», – дейді Ә.Смайылов.

Соңғы жаңалықтар