Интернет қымбаттады

Тәжікстанның монополияға қарсы қызметінің тапсырмасы бойынша, интернет пен телефон байланысы қызметі қымбаттаған. Енді бұдан былай 1 Мб интернет бағасы 5 дирам тұрады. Осыған дейін бір гигабайт 30-35 сомони тұрса, енді 51 сомониға, қосымша құн салығын қоса есептегенде, 63 сомониға(6,7 доллар) қымбаттаған. Сонымен бірге телефон байланысы 10 есеге – 10-12 дирамнан минөтіне 1,2 сомониға қымбаттаған. Тәжікстан мобилді операторлар қауымдастығының төрағасы Гафуржон Иркаев бірнеше күн бұрын монополияға қарсы мекеме жарлығы күшіне енеді деп ескертілгенін айтады. Иркаев соңғы бірнеше апта бұрын үкіметтік емес ұйым өкілдерімен бағаны көтертпеуге күш салдық, бірақ нәтиже болмады дейді.