6 مەملەكەتتە ايەل مەن ەرلەردىڭ ەڭبەك قۇقىعى تەڭ

دۇنيەجۇزىلىك بانك بۇكىل الەم بويىنشا تەك التى مەملەكەت ايەلدەر مەن ەرلەردىڭ ەڭبەك قۇقىعىنا زاڭ جۇزىندە تەڭدىك بەرگەنىن حابارلادى. The Guardian باسىلىمىنىڭ ايتۋىنشا، بۇل تىزىمدە شۆەتسيا مەن فرانتسيا كوش باستاعان.

ودان كەيىن بەلگيا، دانيا، لاتۆيا، ليۋكسەمبۋرگ تۇر. دۇنيەجۇزىلىك بانك جاريلاعان «ايەلدەر، بيزنەس جانە زاڭ» اتتى باياندامادا 187 مەملەكەتتەگى گەندەرلىك جاعدايعا تالداۋ جاسالعان. باسىلىمنىڭ حابارلاۋىنشا، ون جىل بۇرىن الەمدە ەشبىر مەملەكەت ايەلدەر مەن ەرلەردىڭ زاڭدىق قۇقىعىن تەڭەستىرمەگەن.  «باياندامادا زەرتتەۋ سەگىز كورسەتكىش بويىنشا جاسالعان. ونىڭ ىشىندە ايەلدەردىڭ ەڭبەك ەتۋىنە اسەر ەتەتىن ەكونوميكالىق شەشىمدەر، قوزعالىس ەركىندىگى، زەينەتاقى الۋى، كاسىپكەرلىك نەمەسە جۇمىسقا ورنالاسۋداعى قۇقىقتار قاراستىرىلعان»، دەپ جازادى اۆتور. اۆتوردىڭ ايتۋىنشا، گەندەرلىك تەڭدىك جاھان حالقىنىڭ جارتىسى ايەلدەردى قۇرايتىن الەمدە ەكونوميكالىق ءوسىمنىڭ ماڭىزدى بولىگى سانالادى.

ۇقساس جاڭالىقتار

Back to top button