«Túrkistan» газетінің ширек ғасырлық кезеңі – шын мәнінде, тәуелсіздігімізден кейінгі қазақ баспасөзінің өрлеу кезеңімен тұспа-тұс келеді. Ақпарат айдынында өз орнын иелеуге күш салған жас газет халықаралық басылым ретінде өз сөзін айта білді.
Даңқты жазушы Қалтай Мұхамеджанов негізін салып, мықты журналист-ұйымдастырушы Шәмшидин Паттеев дамытқан, талантты қаламгер Жаңабек Шағатай көркейтіп, бүгінде баспасөзде ысылған мықты редактор Қуат Әуесбай басқарып отырған «Túrkistan» газеті – зиялы қауымның іздеп жүріп оқитын газеті.
«Túrkistan» газетінде жарияланып жатқан түрлі танымдық мәні күшті, тағылымы мол материалдар қашанда оқырманын бейжай қалдырған емес. Талай саңлақ қаламгерлер еңбек етіп, туын желбіреткен «Túrkistan»-ның алдағы кезеңде де биігінен түспей, мемлекетіміздің болашағы үшін жұмыс жасай беретініне сенімім зор.
Түркі әлемі ынтымағының ұйытқысындай болып отырған «Túrkistan» газетінің 25 жылдығы құтты болсын!