10 Қыркүйек, 15:26 232 0 Ішкі саясат Назым Тойлыбаева

2025 жылға дейін еліміздегі жолдардың 85 пайызы жаңартылады

Биыл 1 қарашадан бастап бірнеше бағыт бойынша жол ақылы болады, деп хабарлайды  Хабар 24.

Одан түскен  қаржы автожолдардың күтіміне жұмсалмақ. Жалпы алдағы 3-4 жылда 11 мың шақырым күре жолды ақылы ету көзделіп отыр. Бұл туралы Парламент Мәжілісінде өткен Үкімет сағатында Инвестициялар және даму министрі Жеңіс Қасымбек хабарлады.

Айта кеткен жөн, 2025 жылға дейін еліміздегі жолдардың 85 пайызы жаңартылады. Оған жыл сайын 150 млрд теңге қаражат бөлініп, 4 мың шақырым жол жасалады. Қаржының жартысы республикалық қазынадан, сондай-ақ, жергілікті бюджеттен қарастырылады.

«Осы жылы 3 участокта ақылы жолдар пайда болады. Біріншісі – Астана мен Теміртаудың екі ортасы. Екіншісі – Қапшағай мен Алматы. Үшінші участок – Қорғас пен Алматының екі ортасы. Бағасы біз Көкшетауға барғанда қалай төлейміз, солай болады. Болашақта 3-4 жылдың ішінде 11 мың шақырым ақылы жол болады. Ол тек республикалық маңызы бар жолдар», – деді ҚР Инвестициялар және даму министрі Жеңіс Қасымбек.

Соңғы жаңалықтар