Әрбір адам халықтың жайын ойласын

Сондай-ақ!

Мәжіліс Азия даму банкінен 1,5 млрд теңге несие алуды мақұлдады

Қазақстан COVID-19 пандемиясымен күресу және келесі жылғы бюджет тапшылығын қаржыландыру бойынша Азиялық даму банкі мен Азия инфрақұрылымдық инвестициялар банкінен 1,5 млрд теңге несие алады....

100 оқулыққа қатысты Рауан Кенжеханұлы жауап берді

Нұр-Сұлтан қаласы әкімдігінің баспасөз орталығында «Рухани жаңғыру: «Қазақ тіліндегі 100 жаңа оқулық» жобасы аясында «Ұлттық аударма бюросы» қоғамдық қорының атқарған жұмысы туралы брифинг өтті. Тұңғыш...

«Гриль ішіне тыққан»: Түрмеге телефон өткізбек болған шымкенттік ұсталды

Шымкентте түрмеге сәлемдеме арқылы телефон өткізбек болды, деп хабарлайды Polisia.kz. Шымкент қаласы бойынша ҚАЖ департаментіне қарасты ИЧ-167/4 (қауіпсіздігі барынша жоғары) әйелдер түрмесінде 21 қарашада келіп...

Алтынай Жорабаева Түркиядан пәтер сатып алды

Танымал әнші Алтынай Жорабаева Түркия елінен баспаналы болды. Әншінің енді Алания қаласында жеке пәтері бар. Бұл туралы ол өзінің Instagram парақшасында хабарлап, жақсы жаңалығымен...

Қазір тұрғын үй нарығы күйіп тұрған заман. Бұл сала «7-20-25» ипотекалық бағдарламасы іске қосылған сәттен тіптен қыза түсті десек те, артық етпейді. Ал Президенттің пәрменімен басталған мемлекеттік бағдарлама қолға алынғанда бұған дейін өз бетімен тұрғын үй тұрғызып, халыққа ұсынып келген жекеменшік құрылыс компаниялардың аяқ алысы мен болашақ бағдары қандай болмақ? Осы жайында білмек болып, Маңғыстау өңіріндегі тұрғын үй нарығына белсене араласып жүрген «Ниет  строй сервис» ЖШС және «Алма- реал  partnership» құрылыс компаниясының директоры Сәнгүл Аманжоловамен хабарласқан болатынбыз.

– Сәнгүл ханым, естуімізше, осыған дейін Ақтауда бірнеше баспананы аз пайызбен халыққа берген екенсіздер. Өзгелер екі асап қалуға тырысатын заманда не үшін мұндай қадамға бардыңыздар?

– Алғашында риэлторлық компания ашып, соның ісін қолымнан келгенше дөңгелеткен едім. Бұл – 2015 жылдың наурыз айы болатын. Риэлторлық қызметтің мәнісі белгілі, біреудің үйін сатуға немесе сатып алуға көмектесесің. Алдыңа көптеген адам келеді. Сөйте жүріп көп жайтқа қанықтым. Ең бастысы, жұртты баспана мәселесі қатты толғандырады екен. Елдің әлеуметтік жағдайы тікелей баспанаға байланысты екеніне көзім жетті. Жаның ашиды, бірақ қолдан келер қайран жоқ. Содан 2016 жылы бір байламға тоқтап, Маңғыстау өңіріндегі белді-беделді құрылысшы ағаларға бардым. Өзім куә болған жайттарды айтып, елдің мүмкіндігі жоқ екенін алға тарттым, сондықтан бес жылға бөліп төлеуге үй берейік дедім. Қолымыздан келгенше қарапайым жұртқа көмегімізді көрсетсек, халықтың батасын алатынымызды жеткіздім. Осылай үй сұрап барғанымда Сұңғат Аңшыбаев деген кісі бетімді қайтарған жоқ. Менің сұрауым бойынша 30 пәтер берді. Сол үйлерді тұрғын үйге мұқтаж жандарға бес жыл бөліп төлеуге мүмкіндік жасадым. Талап бойынша жаңа пәтердің иесі алғашқы жарна ретінде негізгі құнның 30 пайызын төлеу керек, ал қалған 70 пайызынан 5 жыл ішінде құтылуы тиіс. Басында интернетке хабарлама таратқанбыз. Көңілде күдік те жоқ емес. Алайда 30 пәтер пышақ үстінде бөлініп, лезде сатылып кетті. Тіпті, үйден құр қалғандар бізге ренжіп, «неге көбірек пәтер бөлмегенсіңдер» деп жатқанын да естідік.

Мінекей, осы жағдайдан соң болашаққа жоспар құра бастадым. Баспанаға деген сұраныс өте көп. Дегенмен бірсыпырасы халықтың көңілінен шықпайды, не болмаса қалтасы көтере алмай жатады. Азды-көпті тәжірибе жинақтап үлгердім. Енді батыл шешім қабылдап, іске кірісуім қажет. Содан не керек, 2016 жылдың аяғында көпқабатты тұрғын үй тұрғызу үшін ыңғайлы жер алуға бекіндім. Шынымды айтсам, ешкімнен ақыл сұрамадым, кеңеспедім. Көзімді тарс жұмдым да, ойға алған ісімді бастап кеттім. Әрине, адам баласы шын ниетімен игі іс бастаса, жоспарлаған жұмысыңның тасы өрге домалап, орайы келе кетеді екен. Құрылысы қарқын алған тұрғын үйіміз бой көтеріп, 2-ші, 3-ші қабатқа жетіп қалды. Өзім бастаған жобама орай 5 жыл мерзімге сатып жатырмыз. Сатып алушы тек қана пәтердің нақты бағасын төлейді. Ешқандай пайыз, үстеме қоспаймыз. Біздің ұстанымымызды тұрғындар қызу қолдап, көптеген келісімдер жасалуда. Барлығы ризашылығын айтып, өздеріне қолайлы жағдай туғызғанымыз үшін алғысын жаудырады. Сірә, бұдан артық бақыт жоқ шығар деп ойлаймын.

– Сонымен әлгі көпқабатты тұрғын үйдің құрылысы қашан аяқталмақ?

– Әрине, мүмкіндігінше тездетіп құрылыс жұмыстарын аяқтасақ, пәтерге зәру тұрғындарға сол тиімді болмақ. Ал осы жылдың соңында бір көпқабатты тұрғын үйді қолданысқа беруді жоспарлап отырмыз. Негізінде, 16-шағын ауданнан жарты гектарлық екі жерден құрылыс бастадық. Бірінші болып сатып алушыларға берілетін тұрғын үй 11 қабаттан тұрады. Бұл үйде 180 пәтер орналасқан.

– Қазір жұртшылық мемлекеттік бағдарламалардан бөлек, құрылыс компанияларының өздерімен тікелей келісімшартқа отырып, несиеге баспана алып жатыр. Мәселен, сіздер қандай пайыздық мөлшерлемемен бересіздер және әлеуметтік жағдайы төмен жұртшылыққа жеңілдік қарастырылған ба?

– Адамның бәрі баспананы арман еткенімен, оған екінің бірінің қолы жете бермейтіні рас. Оның үстіне алдымен әлеуметтік жағдайы төмен талай отбасылар келіп жатады. Біреуі көпбалалы болса, екінші бірі жалғызбасты, одан өзгесі мүгедек жандар дегендей… Барлығы өзінің жай-күйін түсіндіріп, түрлі өтініш айтатыны жасырын емес. Шыны керек, мұндай сәттерде баспананың алғашқы бекітілген құнын төмендетіп, сатып алушыға барынша ыңғайлы баға ұсынуға тырысамын. Тіпті, алғашқы бекітілген мерзімді 5 жыл емес, керісінше 7-8 жылға да созамын. Өйткені біз халықтың әл-ауқатымен, тап қазіргі күнгі тұрмысымен санасуымыз қажет. Керек десеңіз, бар мұңын жеткізген жанды індете тексермеймін. «Мынаның айтып отырғаны рас па, әлде өтірік пе» деген ой санама кіріп-шықпайды. Себебі әрбір сатып алушының сөзіне сеніммен қараймын. Егер адамдар арасында бір-біріне деген сенім болмаса, онда қоғам да, атқарып отырған ісің де алға жылжымайды, ешқашан дамымайды. Ал бізге келушілер өзінің шама-шарқына қарай кең көлемдегі үй аламын немесе одан кішірек пәтер аламын деп, таңдауына қарай сатып алады.

Осы ретте тағы бір қосарым, өмір болғасын адамның басынан түрлі оқиғалар өтіп жатады ғой. Кейбіреулер қайтып келіп, «мынадай жағдай болып қалды, әрі қарай ақшамызды қайтып аламыз» дейтін кездер де кезігеді. Ондай сәтте ешқашан тұтынушымыздың меселін қайтарған емеспіз. Кез келген орайда бұған дейін төленген барлық соманы бір тиынына дейін қалдырмай қайтарып беремін. Бұл да халықтың бізге деген сенімін күшейтеді деген ойдамын.

– Сіздерде нарық бағасына сәйкес үйдің шаршы метрі қаншадан?

– Біздің бағамыз бойынша пәтердің 1 шаршы метрі 120 мың теңгеге тең. Мұндай баға халықтың қалтасына сай келеді деп есептеймін. Әрине, 2016-2017 жылдары 150-160 мың, тіпті 180 мың теңгеден сатылған кездер болған. Бірақ қазір ондай бағаны алып тастадым. Қалтама артық пайда түспесе де, баспанаға мұқтаж жандар үй алып, қоныс тойын тойласын, баспаналы болудың тәтті сезімін сезінсін деген ойға бекідім. Бар мақсатым – халықтың алғысын алу.

– Өзіңіз жақсы білесіз, жақында ғана «7-20-25» бағдарламасы іске қосылып, құжат қабылдау басталды. Алғашқы несие де берілді. Кейбір сарапшылар тұрғын үй нарығындағы баға құбылуы мүмкін дейді. Құрылыс компаниясының басшысы ретінде сіздің айтарыңыз бар ма?

– Мемлекет тарапынан халықты баспанамен қамту үшін түрлі бағдарламалар қабылданып жатса, неге қуанбасқа? Себебі еліміздің әрбір азаматы тұрғын үйдің зардабын тартпай, кез келгені баспана ала алса, елдігіміздің айғағы ғой… Әрине, «7-20-25» бағдарламасына үміт артқандардың міндетті түрде ресми табыс көзі болуы қажет. Көптеген құжат жинайтыны тағы бар. Әрі ипотекалық бағдарлама бойынша несиеге үй беретін банкке құрылысы аяқталған пәтер қажет. Ал біздің құрылыс әлі де жүріп жатыр. Бірақ менің тәжірибемде мұндай игі бастама 2016 жылы басталып кеткен болатын. Ешқандай пайыз қосылмайды. Үйдің бағаланған қаржысының белгілі пайызын алдын ала төлейді, қалғанын асықпай 5 жыл ішінде өтеп бітуі шарт.

 – Енді үй сапасына тоқталсақ. Әріптестеріңіздің салған баспаналарына көңіліңіз тола ма? Өздеріңіз сапаға қаншалықты мән бересіздер?

– Қай құрылыс компаниясын алмаңыз, өзі тұрғызған үйдің сапасын жаман демейтіні ақиқат. Нарық заңдылығы да солай. Өзінің тауарынан титімдей мін көретіндерді кезіктірмеппін. Бірақ әркім өзі үшін, сөзі үшін жауап беруі қажет. Сондықтан үйдің сапасына баса мән беремін. Себебі құрылысы аяқталған үйлер уақытша, «іс бітті, қу кеттінің» керін келтіретін дүние емес қой. Күні ертең бір жері құлап, ұшып кетіп жатса елден ұят. Тұтынушылар саған сеніп, бар қаржысын қазаныңа салады. Ал сіздің өніміңіз оған сай болмаса жұртты алдаған болып шығасыз. Біз бетонды қолдан құямыз. Оның өзіне сай кебетін уақыты бар. Іргетасы мықты үй кез келген жағдайға төтеп бере алатыны сөзсіз. Сондай-ақ, сату бөлімінде ешкімнен ештеңе жасырмай барлығын ашып көрсетеміз. Онда барлығы тайға таңба басқандай бедерленіп тұр. Қандай цемент, қандай құм, қандай арматура кетті, бәрі-бәрін тұтынушыға айтып береміз. Егер тек ақшаны ғана көздесең тез-тез тапсырып, құтылып кетуге болады. Алайда бұл тірнектеп жинаған абыройың мен беделіңе болашақта көлеңке түсірері хақ.

– Тұрғын үй нарығын реттеу үшін қандай ұсыныс айтар едіңіз?

– Ең бірінші айтарым, қазір көптеп салынып жатқан элиталық үйлерді халықтың қалтасы көтере бермейді. Сондықтан жұрттың шамасы жететіндей тұрғын үйлерді көбейтуіміз керек. Ал жекелеген құрылыс компанияларына мемлекет тарапынан қолдау білдіріліп, қаржы бөлінсе, нұр үстіне нұр болар еді. Мәселен, біздің компанияға сондай қолдау танытса 150-200 баспананы жергілікті әкімдікке берер едім. Бұл үйлерді жетім-жесір, көпбалалы және жалғызбасты отбасыларға таратып беруге болады. Тағы бір айтарым, өзім де баспана зарын тартудай-ақ тартқан жанның бірімін. Шешеміз өмірден ерте өтіп кетті, өзім ол кезде жас едім. Пәтер жалдап тұрдық, біреумен қоңсылас та болдық. Сонда ойлайтынмын, «неге кейбіреулердің қос-қостан пәтері бар, неге өзгелерде жоқ» деп. Неге біз онсыз да жағдайы жақсы адамды байытып, пәтеріне ақша төлейміз деген сұрақ маза бермейтін.

Ең бастысы халықтың алдына адал еңбегің, ащы маңдай теріңмен шықсаң, бетің ашық, жүзің жарқын болады. Қай салада жүрсек те әуелі қалта мен құлқынның қамын емес, халықтың жайын ойлауымыз керек.

– Сұхбатыңызға рахмет!

Әңгімелескен  Мақсат Рамазан

Редакция таңдауы

Сапарғали Бегалин − жас ұрпақтың сүйікті жазушысы

ХХ ғасырдың басында дүниеге келіп қилы кезеңдерді бастан кешкен, солай болса да бар өмірін сөз өнеріне арнап өткен Сапарғали Ысқақұлы Бегалин әдебиеттің көптеген жанрларында...

Қазақ каскадері «Таурус» сыйлығын алды

Nomad Stunts каскадерлар тобының негізін қалаушы, каскадер, актер Жайдарбек Күнғожинов Әлемдік каскадерлар академиясының (АҚШ) «Таурус» премиясын жеңіп алды. Жайдарбек Күнғожинов каскадерлар арасында «Оскар» сыйлығына теңелетін...

Біреуге ақыл, біреуге ақша керек

Қазір мобильді құрылғылар мен әлеуметтік желі өміріміздің ажырамас бір бөлігіне айналды. Биыл әлемде 4,5 млрд адам интернетке жүгінген. Қазіргі таңда жер бетіндегі халықтың жартысынан...

Арғынбек Шегебай: Facebook қызметкерлері Цукербергке сын айта алады

2004 жылы Гарвард университетінің бір топ студенттері ойлап тапқан Facebook желісін бүгінде күн сайын дүниежүзі бойынша екі миллиард жеті жүз миллионға жуық қолданушы пайдаланады....

Ақтөбеде 9 жастағы бала коронавирустық пневмониядан көз жұмды

Ақтөбеде 9 жастағы бала коронавирустық пневмониядан көз жұмды. Облыстық денсаулық сақтау басқармасының...

Шымкенттегі мұқтаж отбасыларға көмір тегін үлестірілді

Шымкент қаласында «Мейірім шуағы» қоғамдық қоры «Отбасыға жылу сыйла 3» акциясын ұйымдастырды....

Дәмханадағы жарылыстан тағы бір адам қайтыс болды

Елордалық кафелердің бірінде газ баллонының жарылуы салдарынан қаза тапқандар саны екіге жетті....
Сара Назарбаева

Сара Назарбаева қазақстандықтарды ар-ожданмен өмір сүруге шақырды

"Бөбек" қорының негізін қалаушы және президенті Сара Назарбаева қазақстандықтарды ар-ожданмен өмір сүруге...

БАӘ-ден ұшып келген қазақстандықтан коронавирус инфекциясы анықталды

23 қарашада Қазақстан аумағына Түркия, Беларусь, БАӘ, РФ және Германиядан 10 ұшақ...

Көп оқылды

Коронавирустың жаңа белгілері пайда болды

Коронавирус жұқтырған науқастардың бойындағы ауру белгілері денге қызбасының белгілеріне ұқсас болуы дұрыс диагноз қоюға кедергі келтіруде. Аталмыш белгілерді анықтаған Сингапур ғалымдары арнайы баяндама жасады....

Қазақ Тәуелсіздігіне – 25 жыл

2016 жылдың үлкен мерейтойы – Қазақстан Республикасы Тәуелсіздігінің 25 жылдығы. Айтулы мерекеге республикамыздың түкпір-түкпірінде қызу дайындық жұмыстары жүргізілетіні бесенеден белгілі. Ал ақтөбеліктер егемендігіміздің ширек...

Ертеңнен бастап мас күйінде көлік жүргізгендер 10 жылға сотталады

Көлікті мас күйінде тізгіндеп, жол ережесін бұзғандар 7 жылдан 10 жылға дейін бас бостандығынан айырылады. Президент осындай өзгеріс енгізілген заң жобасына бұған дейін қол қойған,...

Мемлекет басшысы коронавирустың екінші толқынына не себеп болғанын айтты

Президент Қасым-Жомарт Тоқаев телевизиялық үндеуінде елде коронавирустың және пневмония дертінің өршуіне не себеп болғанын айтты.  «Коронавирус қаупіне байланысты пандемия басталғалы біз елдегі вирустың таралуына шектеу...