eGov.kz پورتالىنىڭ Telegram-بوتىنداعى قىزمەتتەردىڭ سانى ءوستى

eGov.kz پورتالىنىڭ Telegram-بوتىنداعى قىزمەتتەردىڭ سانى ءوستى. «ۇلتتىق اقپاراتتىق تەحنولوگيالار» اق @EgovKzBot Telegram-بوتىندا ەلەكتروندىق ۇكىمەت پورتالىنىڭ قوسىمشا 3 قىزمەتتىڭ ىسكە قوسىلعانىن حابارلايدى.

ەندى بوت كومەگىمەن ازاماتتار كەلەسى قىزمەتتەردى الا الادى:

– جىلجىمايتىن م ۇلىككە تىركەلگەن قۇقىقتار (اۋىرتپالىقتار) تۋرالى انىقتامانى الۋ;

– الەۋمەتتىك مارتەبەنى تەكسەرۋ;

– مەملەكەتتىك بازالىق زەينەتاقى تولەمىنىڭ مولشەرى تۋرالى اقپاراتتى الۋ.

ازامات «موبيلدىك ازاماتتار بازاسىندا» تىركەلىپ، ياعني ءوز تەلەفون ءنومىرىن eGov.kz پورتالىنىڭ جەكە كابينەتىندە بەكىتىپ، Telegram مەسسەندجەردەگى بوتقا جازىلۋى قاجەت. قىزمەتتەردى الۋ ءۇشىن @EgovKzBot چاتىندا الدىن-الا بەلگىلەنگەن بۇيرىقتاردى ورىنداي وتىرىپ، سۇرانىستى SMS-كود ارقىلى راستاۋ كەرەك. سونداي-اق، سۇراۋ سالۋدىڭ ناتيجەسىن ازاماتتىڭ ەلەكتروندى پوشتاسىنا جىبەرۋ مۇمكىندىگى دە بار.

ەستەرىڭىزگە سالساق، 21 مامىردا «ۇات» اق باسقارما توراعاسى اسەت تۇرىسوۆ 4 ەڭ تانىمال قىزمەتتەردى (مەكەنجاي انىقتاماسى، جىلجىمايتىن م ۇلىكتىڭ بولۋى نەمەسە بولماۋى تۋرالى انىقتاما، سوتتالعاندىعى بولۋى نە بولماۋى تۋرالى انىقتاما، جەكە تۇلعانىڭ زاڭدى تۇلعالارعا قاتىسۋى تۋرالى انىقتاما) جەڭىلدەتىلگەن تۇردە الۋعا مۇمكىندىك بەرەتىن Telegram-بوتتىڭ ىسكە قوسىلۋىن حابارلاعان.

قازىرگى تاڭدا Telegram-بوتقا 7016 ازامات جازىلدى، ولار 6107 انىقتاماعا سۇرانىس جاسادى.

@EgovKzBot كومەگىمەن قىزمەتتەردى الۋ كەزىندە تۋىنداعان سۇراقتاردى تاۋلىك بويى تەگىن كەڭەس بەرەتىن 1414 بىرىڭعاي بايلانىس ورتالىعىنا جولداۋعا بولادى.

 

ۇقساس جاڭالىقتار

Back to top button