Jañalıqtar

DÄRİGERLER DE «JEUDİ» JAQSI KÖREDİ

Ökiniştisi, mwnday keselden medicina salası da ada emes. 

Almatıdağı
emhanalardıñ jartı­sında auruğa densaulığınıñ eñbekke uaqıtşa jaramsızdığın
rastaytın anıqtama qağaz satıladı eken. Qaladağı emhanalarğa arnayı tekseru wyımdastırğan «Kazpotrebsoyuz» AQ
janındağı Jemqorlıqqa qarsı komitet qızmtkerleriniñ aytuınşa, olar on emhananıñ
beseuinde aqşağa kelisu arqılı jalğan anıqtama qağaz alğan. Tekseru nätijesinde
eñ qımbat «qağaz» №9 emhanadan, al eñ arzanı №13 emhanadan alınğan. Mwnıñ
sebebin «Qazaqstan azamattarınıñ sanasında barlıq närseni aqşağa satıp aluğa
boladı, aqşanıñ arqasında kez kelgen qiındıq şeşiledi» degen qağida berik
ornağan» dep tüsindirgen «Kazpotrebsoyuz» ökilderi paranıñ mölşeri kelisuge
baylanıstı ekenin köldeneñ tartadı. Ökinişke qaray, elimizdegi jemqorlıq
jaylağan salalardıñ biri – densaulıq saqtau salası. Zañsızdıqtıñ qanşalıqtı
asqınğanın bilmekke bekingender tobı anıqtama qağazben şektelmeudi közdeydi:
«Ol üşin qoğam tügel küresui tiis. Sonda ğana jemqorlıqqa qarsı bağıttalğan
küres jemisin beredi».

Üş künge sozılğan reyd barısında
«Kazpotrebsoyuz» müşeleri kezdeysoq tañdalğan 10 emhanağa kelip, ondağı
qızmetkerlerden 3 jwmıs künine arnap jalğan anıqtama berudi ötingen. Älbette,
qwn mäselesin de esten şığarmağan. Zañdı bwzbas üşin olar tek auızşa kelisimmen
şektelip, jağdaydı para beruge jetkizbegen. Esesine, jala jabıldı degizbes üşin
kezdesulerdiñ barlığı jasırın türde beynetaspağa tüsirilgenmen, olardı
jariyalamağan. Sebep, «qwqıq qorğau organdarı älgi zañ bwzğandardı köpşiliktiñ
közinşe jazalauğa kirisip, medicinadağı jemqorlıqpen tübegeyli küresudi
nazardan tıs qaldıruı mümkin». Jalğan anıqtama jasatudıñ reti kelmegen emhanağa
qızmetkerler tek üş ret barğan. Üş retinde de «joldarı bolmağan» käsiporındı
«jemqorlıqtan ada» degen tizimge engizip otırğan. Al nebarı 1 emhanada ğana
tirkeu böliminde otıratın qızmetker anıqtama aluğa kömektesudi öz moynına
alıptı. Köpşiligi terapevt därigermen jolığuğa keñes bergen. Kelisilgen bağa 2
mıñ teñgeden bastap, 6 mıñğa deyin jetipti. Jalaqınıñ azdığın jii sıltauratatın
jemqor därigerlerdiñ arasında basşılıq mindetti atqaratındardıñ kezdesetini
ökinişti. Mäselen, emhanalardıñ birinde tirkeu böliminiñ qızmetkeri jalğan
anıqtama beru üşin salğannan bir bölimniñ meñgeruşisiniñ kabinetine tartıptı.
Köp keşikpey meñgeruşi jeke kuäliktiñ köşirmesi men qajetti somanı äkelu
kerektigin aytıp, «dwğay sälem» joldağan körinedi. Al bir emhanada «eñbekke
jaramsız» degen qwjattı aludı sol qağazdı beretin tereze arqılı-aq oñay
kelisken.

Älbette, emhanalardıñ barlığı birdey para
arqılı kün körip otır deu qisınsız. Almatıdağı №11, 3, 15, 16, 6 emhana
ökilderi zañsız qwjat beruden üzildi-kesildi bas tartqan. Al aqşadan bas
tartpaytın basqa emhanalarda beriletin para mölşeri birden aytıladı. YAğni,
saudalasam dep beker aramterge tüsudiñ qajeti joq. Sarapşılar qauımı aq halattı
abzal jandar özderiniñ bastı mindetin esten şığarıp almas üşin äri jemqorlıqtan
ada bolu üşin medicina qızmetkerleriniñ jalaqısın köteruge wsınıs aytumen
keledi. Öytkeni, medicina salasındağı tereñge dendep ketken paraqorlıq,
jauapkerşiliktiñ joqtığı, öz mindetterin adal atqara almaytın därigerlerdiñ
kezdesui siyaqtı basqa da keleñsizdikterdi eşkim joqqa şığara almaydı. Olardıñ
arasında dertine daua izdep kelgen jandarğa şın janı aşitın aq halattılardıñ
tabılatını anıq. Biraq bwl jetkiliksiz. «Kazpotrebsoyuz» AQ ökilderi jürgizgen
«qwpiya satuşı» operaciyasınıñ bastı mindeti – emhanalar men auruhanalardağı
jemqorlıqpen küresuge bükil Qazaq qoğamın jwmıldıru. Özderi wyımdastırğan
reydti birneşe ret wyımdastıruğa bekinip otırğan olar azamattardıñ atsalısuına
müddeli.

Näziya Joyamergenqızı.

Back to top button