Астана қаласының Полиция департаменті туристік полиция қызметкерлерінің қызметтік әдеп нормаларын бұзуына байланысты түсініктеме берді, деп хабарлайды turkystan.kz.
Полиция департаментінің мәліметінше, елордадағы туристік полиция қызметкерлері қызметтік міндеттерін атқару барысында әдеп нормалары мен полиция қызметкерлерінің мінез-құлқына қойылатын талаптарды бұзған.
«Қызметтік міндеттерін атқару кезінде және формалық киімде мұндай әрекетке жол беру орынсыз. Полиция қызметкері кез келген жағдайда кәсіби арақашықтықты сақтап, белгіленген мінез-құлық мәдениетін ұстануға міндетті», – делінген ведомство хабарламасында.
Қызметтік тексеру қорытындысы бойынша екі қызметкер де ішкі істер органдарынан жұмыстан шығарылған.
