Turkystan.kz Жаңалықтар
487

БЛОГЕРЛЕР – АЗАМАТТЫҚ ЖУРНАЛИСТЕР

БЛОГЕРЛЕР – АЗАМАТТЫҚ ЖУРНАЛИСТЕР

БЛОГЕРЛЕР – АЗАМАТТЫҚ ЖУРНАЛИСТЕР
ашық дереккөзі
Автор
Дана Ізтілеуова
487

Астанада өткен құрылтайдан кейін Қазақстан Блогерлер альянсы (ҚБА) құрылды. Ұйымның басты мақсаты, міндеті, құрамындағы мүшелері мен қаржыландыру көздері туралы ҚБА вице-президенті Аршат Оразовпен сұхбаттасқан едік.

– Аршат, Блогерлер альянсын құрудағы басты мақсат не? Дəл қазір мұндай альянстың қажеті қаншалықты еді?

– Интернеттің де өз кезеңдері, дәуірлері бар. Бұрын форум, чаттар дәуірі еді, кейін блогтар, әлеуметтік желілер қосылды. Блогерлер пайда бола бастады. «Азаматтық журналистика» деп те аталды, қоғамға ой салушы, пікір қалыптастырушы ақпарат тасушы делінді. Демек мұндай адамдар бар, олардың өз тақырыптары аясында бірігулеріне себеп те бар. Қоғамдық ұйым ретінде тіркеліп, өз күштерін біріктіру, бірін-бірі қолдау, кей мәселелер бойынша мекемелерге заңды ұйым атынан сұраныстар жіберу, қазақ және орыстілді қолданушылардың басын біріктіру, ортақ іс-шаралар ұйымдастыру – альянстың мақсаттары мен міндеттері.
– Блогерлер ұйымы Қазақ қоғамын дамытуға ықпал ете ала ма?

– Альянстың басты мақсат­тарының бірі – блогерлер арқылы қоғамда дұрыс пікір қалыптастыру, түрлі арандатулардың алдын алу, ақпараттық қауіпсіздік саласында өзіндік үлес қосу. Қазіргі ақпараттық соғыс заманында бұл дұрыс нәрсе деп ойлаймын.

– Альянс құрамына танымал тұлғалар тартылған ба?

– Альянс мүшелері блогерлер және әлеуметтік желілерде көп оқылатын авторлардан құралған. Сондай-ақ альянстың ақылдастар алқасы бар, ол жерде танымал спортшылар, қоғам қайраткерлері, депутаттар, партия өкілдері бар.

/></p> <div style=– Кейбіреулер: «Альянсты билік құрды. Сөз бостандығы мен пікір алуандығы одан сайын тұншығады»,– дейді. Сіздің пікіріңіз қандай?

– Альянс құрамында түрлі саяси көзқарас және ұстаным иелері бар. Альянстың жалпы құрылымы – қоғамдық бірлестік. Яғни, сөз бостандығын тұншықтыратындай ресми, мемлекеттік мекеме емес. Ондай құзыры да жоқ. Ақпараттық қауіпсіздікпен айналысатын, желіде жазылғандарды қадағалап отыратын арнайы мекемелер бар.

– Қазақстан қоғамы орыстілді жəне қазақтілді боп екіге бөлінген. Бұл мүдделердің де екіге жарылуына себеп. Альянстағы блогерлердің ауызбіршілігіне осы мəселе кері əсер етпей ме?

– Альянстың миссияларының бірі – осы екі топқа көпір болу. Қазақтілді және орыстілді аудиторияны бір-біріне жалғау. Осы мәселеге қатысты бірнеше жоба жоспарлануда. Солардың алғашқысы – блогерлердің ортақ сайты. Бұл сайтта блогосферадағы қызықты посттар топтастырылады, орыс тіліндегі посттар қазақ тіліне, қазақ тіліндегілер орысшаға аударылады. Ортақ пікірталас алаңы, түрлі сауалнамалар, блогосфера жаңалықтары, блог-тур анонстары жарияланбақшы.

– Альянс заңдастырылғаннан кейін қаржы мəселесін қалай шешпек?

– Қоғамдық бірлестік болғаннан кейін жобаларына демеушілер іздейтін болады және сондай-ақ мемлекеттік емес ұйым ретінде түрлі гранттарға қатыса алады. Бүгінге дейін тасада қалып келген қазақтілді блогерлердің жобаларына жақсы мүмкіндік деген ойдамын. Қызықты жобаларға альянс атынан ресми хаттар жазып, қолдау іздейтін боламыз және ақпарат саласына мемлекет тарапынан бөлініп жатқан қаржы көздерін қазақтілді жобаларға бұрғызамыз деген сенімдеміз.

Әңгімелескен 

Нәзия Жоямергенқызы 

Серіктес жаңалықтары