Француздар Сауд Арабиясы королінің демалысына кедергі келтірді

Демалысын Францияда алаңсыз өткізбек болған Сауд Арабиясы королінің ойы жүзеге аспай қалды. Франция жағалауында 21 күн демалам деп жоспарлаған монарх небәрі 1 аптадан соң өз Отанына қайтуға мәжбүр болды. Өйткені француздар тыныштық бермеген. Францияға келгелі корольдің жергілікті тұрғындардың арыз-шағымынан құлағы тұнған. Себебі әл-Сауд отбасының осы өкілі демалысқа келгендіктен Ривьерадағы көпшілікке арналған жағажай өзгелерге қызмет көрсететуден бас тартқан. Мұндай шектеуді бұрын-соңды көрмеген 100 мыңнан астам тұрғын жағажайдың қараға да, ханға да бірдей қолжетімді болуын талап етіп, Франциядағы теңдік туралы заңның сақталуын сұрады. Ақыры король Салман барлық қызметшілерімен Франциядан небәрі 1 аптада кетуге мәжбүр болды. informing.ru таратқан ақпаратқа сүйенсек, монарх әу баста француздардың жерінде 21 күн аялдаймын деген жоспармен келген.