Ердоған Нетаньяхуды "террорист" деп атады

Ердоған Нетаньяхуды "террорист" деп атады

Ердоған Нетаньяхуды "террорист" деп атады
ашық дереккөзі
Түркия көшбасшысы Режеп Ердоған  Израиль үкімет басшысы Биньямин Нетаньяхуды "басып алушы" және "террорист" деп атады.
Израиль және Түркия басшылары арасындағы жанжалдың тууына Газа секторы мен Израиль шекарасы маңында қақтығыстан 15 палестиндік қаза тауып, жүздеген адам жараланғануы себеп болды. Анкара израилдік әскерді қатаң сынға алды. Нетаньяху жауап ретінде "көптеген жылдар бойы бейбіт халықты бомбалап келген ел өзге елді сынамай-ақ қойсын" деп жауап берген. Ол Түркияның Сирия, Ирак және Түркиядағы күрдтерге қарсы операциясын алға тартып отыр. Ердоған да үнсіз қалмады. Ол Израиль билігін "террорист" деп атап, оның үкімет басшысын "әлемде ешкім жақсы көрмейді" деді. Жексенбі күні БҰҰ мен Еуроодақтың 15 палестиндіктің өлімін жіті тексеру жөніндегі талабын Израиль қорғаныс министрі Авигдор Либерман қабылдамады. "Израиль әскері не қажет болды, соны орындады. Менің ойымша, олар марапатқа лайық", – деді Либерман. Израиль мәліметі бойынша қаза тапқандардың дені – радикалдық топтың мүшелері.