Отандасымыз Виктория Графеева бокстан елорда төрінде өтіп жатқан Әлем кубогіның ширек финалында жеңіске жетті, деп хабарлады turkystan.kz.
Жерлесіміз 60 келіге дейінгі салмақта Түркия елінің өкілі Гизем Озерға қарсы айқасты.
Бірінші және екінші раунд тең дәрежеде өткенмен, үшінші раундта Виктория қарсыласын бірнеше рет нокдаунға жіберіп, жеңісті суырып алды.
Осылайша, ол жартылай финалға өтіп, Әлем кубогының қола медалін қамтамасыз етті.
Айта кетейік, бұған дейін Санжар Тәшкенбай (50 келіге дейін), Назым Қызайбай (48 келіге дейін), Бекзад Нұрдәулетов (85 келіге дейін), сондай-ақ бір күн бұрын Надежда Рябец (75 келіге дейін) жартылай финалға өткен еді.
