ليۋدميلا باربە، ارنايى "تۇركiستان" ءۇشiن كيشينەۆتەن: قازاق باتىرىنا تاعزىم

مولدوۆا توپىراعىندا ەرلiكپەن قازا تاپقان قازاق باتىرىنا ەسكەرتكiش تاقتا ورناتىلىپ، ونىڭ اتىنا كوشە بەرiلدi.

فاشيستەرمەن كەسكiلەسكەن شايقاستا مولدوۆا توپىراعىندا ەرلiكپەن قازا تاپقان جالعىز قازاق – قاناس قامزينگە انەني نوي اۋدانىنا قاراستى گۋرا بىكۋلۋي اۋىلىنداعى ليتسەي عيماراتىندا ەسكەركiش تاقتا ورناتىلدى. اۋىل اكiمشiلiگiنiڭ جەتەكشiسi يون لاپيكۋس قازاق باتىرىن وسىلايشا قۇرمەتپەن ەسكە الۋ اۋىل تۇرعىندارى ءۇشiن ۇلكەن مارتەبە ەكەندiگiن جەتكiزدi: "بۇل سالتاناتتى شاراعا قازاقستاننىڭ توتەنشە جانە وكiلەتتi ەلشiسiنiڭ قاتىسۋى – بiز ءۇشiن ۇلكەن قۇرمەت. اعا لەيتەنانت قاناس قامزيننiڭ قۇرمەتiنە ورناتىلعان ەسكەرتكiش تاقتا – بiزدiڭ اۋىلىمىزداعى جالعىز ەستەلiك. سوندىقتان ليتسەي عيماراتى ورنالاسقان كوشە دە قازاق باتىرىنىڭ اتىندا. قازiرگi تاڭدا سوعىس جىلدارىندا جاۋعا قارسى تۇرعان 18 اۋىل تۇرعىنىنىڭ 4 ساربازى مەن ەكi جەسiرi ارامىزدا ءجۇر. ولار – اۋىلدىڭ ماقتانىشى. 9 مامىر مەرەكەسi بۇرىنعى كسرو قۇرامىندا بولعان ەلدەردiڭ حالقىن بiرiكتiرiپ، بەيبiتشiلiككە باستايدى".

قازاقستاننىڭ مولدوۆاداعى توتەنشە جانە وكiلەتتi ەلشiسi امانگەلدi جۇماباەۆ سوعىس زۇلماتىن جيi ەسكە الىپ، فاشيستەرمەن سوعىس الاڭىندا قازا تاپقاندار تۋرالى ەستەلiكتەردi جيi وقۋ كەرەكتiگiن ايتتى: "تاريحسىز كەلەشەك جوق. سوندىقتان بiزدiڭ بالالارىمىز بەن نەمەرەلەرiمiز بiز ءجۇرiپ وتكەن جولداردى بiلۋi تيiس. بiز ولاردىڭ بەيبiت ءومiر سۇرگەنiن قالايمىز. بiزدiڭ جەرلەسiمiزگە قويىلعان مىنا ەسكەرتكiش تاقتا كەلەشەك ۇرپاقتى تاربيەلەۋگە ۇلەس قوسارى ايقىن".

قازاق ەلشiسi 4 سوعىس ارداگەرi مەن ەكi جەسiرگە جەڭiس كۇنiنە ارنالعان مەرەكە قۇرمەتiنە وراي باعالى سىيلىقتار تابىس ەتتi.

II دۇنيەجۇزiلiك سوعىسقا قازاقستاننان 1،7 ملن. ادام قاتىستى. ولاردىڭ 600 مىڭعا جۋىعى تۋعان ەلiنە قايتىپ ورالعان. مولدوۆا توپىراعىن فاشيستەردەن ازات ەتۋ جولىندا شايقاسقان قاناس قامزين 1944 جىلدىڭ ساۋiرiندە قازا تاپتى.

ۇقساس جاڭالىقتار

Back to top button