«ازيا دانالىعى»

بۇگiنگi ءداۋiر – جاھاندانۋ زامانى. ياعني، الەمدەگi بارلىق ەلدەردiڭ مادەنيەتiنiڭ بiرتۇتاس ارالاسۋى. دەمەك، جاھاندانۋدىڭ قوعامعا بەرەر پايداسى دا، زيانى دا كوپ. سوندىقتان قازاقتىڭ مادەنيەتi دە ەشبiر ەلدەن كەم بولماۋى تيiس. ۇلت مادەنيەتiنiڭ بiر بولiگiن قۇرايتىن كۇي ونەرi سوناۋ بابالار زامانىنان باستاۋ الادى.

ماسەلەن، قورقىت پەن ىقىلاس كۇمبiرلەگەن كۇيiن قارا قوبىزىمەن جەتكiزسە، ءسۇيiنباي، قۇرمانعازى، دينا سىندى كۇيشiلەرiمiز ۇلى ونەردi قوس iشەكتi دومبىرادا سويلەتتi. بۇگiندە سول قاسيەتتi قارا دومبىرانىڭ قۇلاعىندا ويناپ، قازاق ەلiن الەمگە تانىتىپ جۇرگەن تالانتتى جاcتارىمىزدىڭ قاتارى كوبەيiپ كەلەدi. سولاردىڭ بiرi – قازاقستان ەستراداسىندا اتى تانىمال بولىپ جۇرگەن جاس ورىنداۋشى مەيiرجان ەرمەگياەۆ. مەيiرجان حالقىمىزدىڭ قۇدiرەتتi اسپابى دومبىرادا ويناپ، كوپتەگەن سايىستار مەن فەستيۆالدەردiڭ جۇلدەگەرi اتانىپ ءجۇر. سونىمەن قاتار جاس ورىنداۋشىنىڭ ونەرiنە قازاقستانمەن بiرگە، اقش، انگليا، تۇركيا سىندى مەملەكەتتەر كۋا. وسىعان دەيiن بiرنەشە كۇيتاباعى جارىق كورگەن جاس ورىنداۋشىنىڭ وتكەن اپتادا الماتى قالاسىندا «ازيا دانالىعى» اتتى تاعى بiر جاڭا ينسترۋمەنتالدى شىعارمالار جيناعىنىڭ تۇساۋكەسەرi بولىپ ءوتتi. اتالمىش كۇيتاباقتىڭ ەڭ باستى ەرەكشەلiگi قازاقتىڭ كۇيشiلەرi تاتتiمبەتتiڭ «قوسباسارى»، ءاشiمتايدىڭ «قوڭىرقاز» كۇيلەرiمەن قاتار، الەم كلاسسيكتەرi حەرموزانىڭ «لامباداسى»، موتسارتتىڭ «رونلوسى» دا ۇلكەن شەبەرلiكپەن ورىندالعان. «ال باستى ماقسات قازاق جاستارىنىڭ ۇلتتىق اسپابىمىز سانالاتىن قاسيەتتi دومبىراعا جانە ونەرگە دەگەن قىزىعۋشىلىعىن ارتتىرۋ»، – دەيدi مەيiرجاننىڭ پروديۋسەرi سالتانات جۇماباەۆا.

سامات سۇلەي

ۇقساس جاڭالىقتار

Back to top button