Ақжарда аурухана фельдшерін атып кетті

Ақжарда аурухана фельдшерін атып кетті

Ақжарда аурухана фельдшерін атып кетті
ашық дереккөзі
Шығыс Қазақстан облысы Тарбағатай ауданындағы ауруханалардың бірінде оқыс оқиға болды. Аудан орталығы Ақжар ауылында фельдшерді түнгі кезекте жүрген жерінен атып кеткен. Бұл туралы ҚазАқпарат хабарлады.  Оқиға 15 ақпан күні болған. Түнгі сағат 3:10-да түнгі кезегін өткізіп жатқан Рустам Ришатұлын бетперде киген адам атып кетеді. Полиция қызметкерлері қылмыстың ізін суытпай, күдіктіні тұтқындаған. «Қылмысқа қатысты заттай дәлелдің бәрі алынды. Бетперде, мылтық пен қылмыс кезінде киген күрте сақтаулы тұр. Күдікті де Ақжар ауылының тумасы. 1974 жылы туған.  Ауыр қылмыс болғандықтан, облыстық сотқа жолдаймыз. Әзірге тергеу жүргізіліп жатыр. Оның өзі 1-1,5 ай уақыт алуы мүмкін» - дейді Тарбағатай аудандық ішкі істер бөлімінің Ақжар полиция бөлімі басшысы Талғат Нұрмұханбетов. Қаза болған фельдшер 1989 жылы туғаны белгілі болып отыр. Үйінде ата-анасы мен аяғы ауыр әйелі қалған. «Күдіктінің әйелі, үш баласы бар, қылмысын мойындап отыр. Оның бұл әрекетке бару себебін тергеу құпияларына байланысты жариялай алмаймыз» - дейді полиция майоры.