وليمپيادا-2018: ۇزدىك بەستىك ازىرگە وزگەرىسسىز

پحەنچحاندا ءوتىپ جاتقان قىسقى وليمپيادادا جالپى كوماندالىق ەسەپ بويىنشا الدا كەلە جاتقان ەلدەر ءتىزىمى ازىرگە وزگەرىسسىز.

ۇزدىك بەس مەملەكەتتىڭ كوشىن گەرمانيا باستاپ تۇر. نەمىس سپورتشىلارىنىڭ ەنشىسىندە 9 التىن، 2 كۇمىس جانە 4 قولا مەدال بار.

ەكىنشى ورىنعا 6 «التىن»، 8 «كۇمىس» جانە 5 «قولامەن» نورۆەگيالىقتار ورنالاسىپ وتىر.

ال 6 التىن، 5 كۇمىس جانە 3 قولا مەدالدارى بار نيدەرلاندى قۇراماسى ازىرگە ءۇشىنشى ورىندا.

اقش سپورتشىلارى ءتورتىنشى كەلەدى، ولاردىڭ ەنشىسىندە 5 التىن، 1 كۇمىس جانە 2 قولا جۇلدە بار.

توپ-بەستىكتى وسى ۋاقىتقا دەيىن 4 «التىن»، 5 «كۇمىس» جانە 4 «قولا» جەڭىپ العان كانادا ەلى تۇيىندەپ تۇر.

ال 21-ورىنعا ورنالاسىپ وتىرعان قازاقستان قۇراماسىندا ازىرگە ءبىر قولا مەدال بار. جالعىز جۇلدەنى ەل قورجىنىنا 11 اقپان كۇنى فريستايلشى يۋليا گالىشەۆا سالعان بولاتىن.

ايتا كەتەيىك، 9 اقپاندا الاۋى تۇتانعان اق وليمپيادا ويىندارىنا قازاقستان سپورتشىلارى 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. وليمپيادا 25 اقپاندا اياقتالادى.

 

ۇقساس جاڭالىقتار

Back to top button