قاتەرلى ىسىككە شالدىقتىرۋ قاۋپى جوعارى ونىمدەر انىقتالدى

جوعارى دەڭگەيدە وڭدەلگەن ازىق-ت ۇلىكتەردى تۇتىنۋ مەن ونكولوگيالىق اۋرۋلاردىڭ دامۋى اراسىنداعى بايلانىس بار ما؟ بۇل ساۋالعا فرانتسيا مەن برازيلياداعى عالىمدار توبى جاۋاپ ىزدەدى.  بۇل تۋرالى MedicalXpress سايتىنا سىلتەمە جاساپ ريا نوۆوستي حابارلادى. 

ۇننان جاسالعان تاعامدار، گازدالعان سۋسىندار، قانت سەبىلگەن جۇگەرى قاۋىزى، جارتىلاي فابريكاتتار مەن قالپىنا كەلتىرىلگەن ەت ونىمدەرى «ۋلتراوڭدەلگەن» بولىپ سانالادى. مۇنداي تاعامدار قانت، ماي، تۇزدىڭ كوپ مولشەردە قوسىلىپ، دارۋمەندەرىنىڭ ازدىعىمەن ەرەكشەلەنەدى.

عالىمدار وسىنداي ونىمدەردى تۇتىنۋ ارقىلى ءسۇت بەزى مەن ىشەك ىسىگىن تۋدىرۋ قاۋپىن ساراپتاعان. ولار 43 جاستاعى 104 980 ايەل مەن ەر ادامداردىڭ قاتىسۋىمەن زەرتتەۋ جۇمىسىن جاسادى. ولارعا ەڭ ازى 24 ساعاتتىق ونلاين-انكەتا تولتىرۋ ۇسىنىلىپ، سۇراقتار 3300 ءتۇرلى تۇتىنۋ تاعامىنا قاتىستى بولدى. سونداي-اق، عالىمدار زەرتتەۋ جۇمىسىنا قاتىسۋشىلاردىڭ جاسىن، جىنىسىن، ءبىلىم دەڭگەيىن، ونكولوگيالىق اۋرۋلارعا بەيىمدىلىگىن، جامان ادەتتەرى مەن فيزيكالىق بەلسەندىلىگىن ەسكەردى.

زەرتتەۋ ناتيجەسىندە ماماندار جوعارى دەڭگەيدە وڭدەلگەن ازىق-ت ۇلىكتەردى تۇتىنۋ ونكولوگيالىق اۋرۋعا شالدىعۋعا 12 پايىز اسەر ەتەتىنىن انىقتادى.

ۇقساس جاڭالىقتار

Back to top button